قر جەر رەفورماسى كوميسسيياسىنىڭ تٶراعاسى ب. ساعىنتاەۆ مىرزاعا
جەنە كوميسسييا مٷشەلەرٸنە
جاڭا اۋىل ٶندٸرٸسٸن قۇرۋ تۋرالى ۇلى دالا قىراندارى قوزعالىسىنىڭ
ۇسىنىسى
قازاقتىڭ جانى اۋىلدى ساقتاۋدىڭ بٸردەن-بٸر جولى: «جاڭا اۋىل ٶندٸرٸسٸ» اتتى قۇرىلىمدى اشۋ بولىپ تابىلادى.
بٸزدٸڭ اۋىلداعى قازاق قوعامىنا وڭدى ٶزگەرٸستەر مەن جاڭا سٸلكٸنٸس قاجەت. بٸز ٶزگەرٸستٸ تٶمەننەن - قالىڭ ەلەۋمەتتەن, الدىمەن, اۋىلداعى قاراپايىم حالىق ورتاسىنان باستاعانىمىز جٶن. رەسپۋبليكا حالقىنىڭ 45,7 پايىزى اۋىل, سەلولاردا ٶمٸر سٷرەدٸ. كٶبٸنٸڭ تٸرشٸلٸگٸ-تٸرشٸلٸك ەمەس, ٶگٸز ٶلمەس, اربا سىنباس جاعدايدا.
– ودان شىعۋدىڭ جولى بار ما?
– بار. ول ەلٸمٸزدەگٸ بارلىق 7232 اۋىلداردا ەڭ بٸرٸنشٸ كەزەكتە «جاڭا اۋىل ٶندٸرٸسٸن» قۇرۋ». بۇل جاڭا قۇرىلىم ٸسكە اسقان جاعدايدا اۋىلىمىزدىڭ ايى وڭىنان تۋىپ, جۇلدىزى جارقىرايتىن بولادى. ەلباسىنىڭ اۋىلدى تٷلەتۋگە ارنالعان باستامالارىن تولىعىمەن قولدايمىز.
ادالدىق ٷشٸن ايتۋىمىز كەرەك, ەل ەگەمەندٸگٸن العاننان بەرٸ اۋىل شارۋاشىلىعىن دامىتۋعا ارنالعان جٷزدەگەن باعدارلامالار مەن شارالار قابىلدانىپ, ٸسكە قوسىلدى. ولار از دا بولسا نەتيجەسٸن بەرۋدە. باقانداي 3-جىلدى اۋىلعا ارنادىق, كولحوز, سوۆحوزداردىڭ ورنىنا جەكەمەنشٸك شارۋا قوجالىقتارى, اكتسيونەرلٸك ۇيىمدار قۇرىلدى. بٸزدٸڭ ساراپتاۋمىزشا العاندا شارۋا قوجالىقتارى ٶز ميسسييالارىن ورىندادى. ەندٸ ولاردىڭ ورنىنا جاڭا, تىڭ اۋىلشارۋاشىلىق ۇيىمى كەلگەنٸن دۇرىس دەپ سانايمىز.
بۇل جەردە ايتاتىنىمىز, اۋىلعا جەنە اۋىل شارۋاشىلىعىنا ارنالعان بارلىق باعدارلامالاردى ونىڭ ٸشٸندە, شارۋا قوجالىقتارى, «سىباعا», «اۋىلداعى اۋىز سۋ» جەنە تاعى باسقا شارالاردى قايتا قاراپ, زەرتتەۋ جٷرگٸزٸپ, رەتتەپ, بٸر جٷيەگە, بٸر ارناعا بٸز ۇسىنىپ وتىرعان «جاڭا اۋىل ٶندٸرٸسٸنە» توعىستىرۋ كەرەك. بٸزدٸڭ قوزعالىستىڭ «جاڭا اۋىل ٶندٸرٸسٸ» باعدارلاماسىن اشۋداعى نەگٸزگٸ كٶزدەپ وتىرعانى: قازاقتىڭ التىن بەسٸگٸ اۋىلدى ساقتاپ قالۋ; اۋىل ٶركەنيەتٸن قالىپتاستىرۋ; اۋىلدا جاستاردى تۇراقتاندىرۋ.
شىندىعىن ايتايىق, اۋىلىمىز قارتايىپ بارادى. اۋىلدا كٷننەن-كٷنگە بۇرىنعى جىلدارمەن سالىستارعاندا جالىنداعان جاستاردىڭ قاتارى سيرەپ بارادى. بٸرەۋلەر قالاعا بٸلٸم ٸزدەپ كەتسە, ەندٸ بٸرەۋلەر ەكٸ قولعا بٸر كٷرەك تاۋىپ جۇمىس ٸستەۋ ٷشٸن كەتەدٸ. سوندىقتان دا, «ۇلى دالا قىراندارى» قوعامدىق مەدەني-ەلەۋمەتتٸك قوزعالىسى اۋىلدى جاقسارتىپ, قايتا تٷبەگەيلٸ تٷلەتۋ ٷشٸن جاڭا قۇرىلىم قۇرۋ قاجەت دەپ ەسەپتەيمٸز. ونىڭ اتى – «جاڭا اۋىل» ٶندٸرٸستٸك بٸرلەستٸگٸ. ول بۇرىنعى كولحوز تۇرعىسىندا قۇرىلىپ, جۇمىس ٸستەيدٸ. سوندا اۋىلدا جۇمىس بولادى, اۋىلعا جان بٸتەدٸ, ادامداردىڭ تۇرمىس-تٸرشٸلٸگٸ ٶزگەرەدٸ.
تٷيٸندەپ ايتقاندا, اۋىلدىڭ ٶسٸپ-ٶركەندەۋٸ, ٶركەنيەتكە قول جەتكٸزۋٸ جاڭا قۇرىلىمدى قۇرىپ, ونىڭ شارۋاسىن دٶڭگەلەتٸپ ٷيلەستٸرٸپ ەكەتۋدە بولىپ تۇر. اۋىل – قازاقتىڭ التىن بەسٸگٸ. بٷگٸنگٸدەي ٶركەنيەتكە بٸز اۋىل ارقىلى قول جەتكٸزدٸك دەسەك, قاتەلەسپەگەن بولار ەدٸك. بەرٸمٸز اۋىلدان تۋىلىپ, اۋىلدان ٶستٸك. ٶيتكەنٸ, اۋىل انانىڭ ايالى الاقانىنان تالاي ۇلى عالىمدار, اقىندار مەن جازۋشىلار, مەملەكەت جەنە قوعام قايراتكەرلەرٸ, مينيسترلەر مەن ەكٸمدەر تٷلەپ ۇشتى.
قۇرمەتپەن,
قۇرامىندا جٷز مىڭنان استام مٷشەلەرٸ بار
«ۇلى دالا قىراندارى» رەسپۋبليكالىق
قوزعالىسى تەڭ تٶراعاسى,
قر ەڭبەك سٸڭٸرگەن قايراتكەرٸ, جازۋشى
سەدٸبەك تٷگەل
