سەنات دەپۋتاتى اقىلبەك كٷرٸشباەۆ حالىقتىڭ اۋىلدىق جەردەن قالاعا كٶشۋٸ ٶسٸپ كەلە جاتقانىنا الاڭداۋشىلىق بٸلدٸردٸ, دەپ حابارلايدى "ۇلت اقپارات".
«اۋىلدىق جەرلەردٸڭ بٷگٸنگٸ احۋالى قانداي? وندا تۇراتىن حالىقتىڭ تۇرمىس-تٸرشٸلٸك, ەلەۋمەتتٸك جاعدايى قانداي دەڭگەيدە? 2011 جىلى بٸزدە اۋىل حالقىنىڭ ٷلەسٸ 45,4 پايىزدى قۇراسا, قازٸر بۇل كٶرسەتكٸش 41,3 پايىزعا تەڭ. ەسٸرەسە, ونىڭ ەكونوميكالىق بەلسەندٸ بٶلٸگٸ ٷلەسٸنٸڭ كٷرت تٶمەندەۋٸ الاڭداتادى. مەسەلەن, سوڭعى 10 جىلدا ەڭبەككە قابٸلەتتٸ جاستاعى ادامدار سانى 4,1-دەن 3,8 ملن ادامعا دەيٸن تٶمەندەگەن», - دەدٸ دەپۋتات سەناتتاعى اۋىلدىق اۋماقتاردى دامىتۋ جٶنٸندەگٸ پارلامەنتتٸك تىڭداۋدا.
وسى ورايدا ول جىلدان جىلعا حالىقتىڭ اۋىلدىق جەردەن كٶشۋٸ ٶسٸپ كەلە جاتقانىن جەتكٸزدٸ. ٶتكەن جىلى جارتى ميلليونعا جۋىق ادام اۋىلدان قالالارعا قونىس اۋدارعان.
«بۇرىن اۋىلدا بالا تۋۋ دەڭگەيٸ قالاعا قاراعاندا ەرقاشاندا جوعارى بولاتىن. ال سوڭعى التى جىلدا بۇل كٶرسەتكٸش اۋىلدىق جەرلەردە تٶمەندەپ كەتتٸ. ستاتيستيكا مەلٸمەتتەرٸ بويىنشا, 2019 جىلى اۋىلداعى جان باسىنا شاققانداعى تابىس ايىنا 45 829 تەڭگەنٸ قۇراعان (قالادا – 66 207 تەڭگە). ال بٸز جٷرگٸزگەن ساۋالناما نەتيجەلەرٸ بويىنشا اۋىل تۇرعىندارىنىڭ تابىستارىن باعالاۋ ودان دا از, ايىنا – 35 349 تەڭگە. ايتا كەتۋ كەرەك, بٸرىڭعاي جيىنتىق تٶلەمدٸ تٶلەۋشٸ 3,6 ملن ادامنىڭ 2 ملن نەمەسە 56,2 پايىزى اۋىلداردا تۇرادى. سونداي-اق, تابىسى, كٷنكٶرٸس دەڭگەيٸنەن تٶمەن, از قامتىلعان وتباسىلار سانى اۋىلدىق جەرلەردە 6,6 پايىز, بۇل قالاعا قاراعاندا 2,5 ەسە كٶپ. وسىلايشا, ەلٸمٸزدٸڭ كەدەي جەنە كٷنكٶرٸسٸ تٶمەن وتباسىلاردىڭ نەگٸزگٸ بٶلٸگٸ اۋىلدىق ەلدٸ مەكەندەردە تۇرادى», - دەدٸ ا. كٷرٸشباەۆ.
ونىڭ سٶزٸنە قاراعاندا, الداعى ۋاقىتتا اۋىلدا 150 جاڭا دەنساۋلىق ساقتاۋ نىساندارىن اشۋ قاجەت. اۋىلدىق جەرلەردە دەرٸگەرلەرگە قاجەتتٸلٸك 900-دەن استام ادامدى قۇرايدى. بۇل رەتتە قالادا 10 مىڭ ادامعا 56 دەرٸگەردەن كەلسە, اۋىلدا تەك قانا 16 دەرٸگەر نەمەسە 3,5 ەسە از.
