اۋىلدى باسقاراتىن ەكٸمدەر قالا نەمەسە اۋدان ورتالىقتارىندا تۇرماۋى كەرەك. وسىنداي ويدى قر پرەزيدەنتٸ ەكٸمشٸلٸگٸنٸڭ باسشىسىنىڭ ورىنباسارى مەلٸك مىرزالين العا تارتتى, دەپ حابارلايدى قازاقپارات.
«زاڭنامادا ەشقانداي تەرتٸپ قاراستىرىلماعان. سايلاۋ كوميسسيياسى قورىتىندى شىعارادى, كانديداتتى تٸركەيدٸ, سودان سوڭ سايلانعان ەكٸم بٸردەن قىزمەتٸنە كٸرٸسەدٸ. دەمەك بٷگٸن-ەرتەڭ بولاتىن ٸس. اۋىل ەكٸمدەرٸ دە مەملەكەتتٸك قىزمەتشٸ, سوندىقتان ولارعا دا تالاپ ورتاق. بۇل سايلاۋدا اۋىل ەكٸمٸن جەرگٸلٸكتٸ حالىقتىڭ ٶزٸ تاڭداعاندىقتان, ول ەلدٸڭ مۇڭ-مۇقتاجىمەن تانىس, ەرٸ حالىققا جاقىن بولادى. حالىقتا ٶزٸ سايلاعان ادامدى جاقسى تانىعاندىقتان مەسەلەلەرٸن ەكٸمگە تٸكەلەي جەتكٸزە الادى, بۇل دەگەنٸمٸز ەكٸجاقتى ياعني كەرٸ بايلانىس بار دەگەن سٶز», - دەدٸ م. مىرزالين «حابار24» تەلەارناسىنا سۇحبات بەرۋ بارىسىندا.
ونىڭ ايتۋىنشا, ەل باسقارۋدا حالىقپەن ٶزارا قارىم-قاتىناستىڭ ماڭىزى ەرەكشە.
سونداي-اق, م. مىرزالين سايلانعان ەكٸم سول اۋىلدا تۇرۋى تيٸس دەگەن ويدى العا تارتتى. مەلٸمدەۋٸنشە, اۋىلدا تۇرعان ەكٸم جەرگٸلٸكتٸ مەسەلەلەردٸ ٶز كٶزٸمەن كٶرٸپ, حالىقتىڭ جاعدايىمەن تٸكەلەي تانىس بولادى.
«بۇعان دەيٸن سايلاۋسىز تاعايىندالعان ەكٸمدەر قالادا نەمەسە اۋدان ورتالىقتارىندا تۇرىپ, اۋىلدى باسقارعانىنا سەنٸمدٸمٸن. ەندٸ اۋىل حالقى ٶزدەرٸ سايلاعان ەكٸمنٸڭ ولاي ٸستەۋٸنە جول بەرمەيدٸ», - دەيدٸ ول.
