اۋىل تۇرعىندارىنا ۆاكتسينا سالۋعا ەرەكشە نازار اۋدارۋ كەرەك. بۇل تۋرالى قر پرەمەر-مينيسترٸ اسقار مامين ايتتى, دەپ حابارلايدى "ۇلت اقپارات".
«قازٸرگٸ ۋاقىتتا ۆيرۋس جۇقتىرۋدىڭ ٶسۋ قارقىنى تۇراقتانىپ كەلەدٸ. ۆيرۋستىڭ رەپرودۋكتيۆتٸلٸك دەڭگەيٸ ازداپ تٶمەندەپ, 0,98 قۇرادى. اۋرۋحانالاردا ورىندار – 42 پايىزعا, جانساقتاۋ بٶلٸمدەرٸ 28 پايىزعا تولى. 9 ٶڭٸر «قىزىل ايماقتا». بۇل - نۇر-سۇلتان, الماتى, شىمكەنت قالالارى جەنە باتىس قازاقستان, اقمولا, قاراگاندا, قىزىلوردا, پاۆلودار, جامبىل وبلىستارى. بٷگٸنگٸ كٷنٸ ٶڭٸرلەرگە 2,3 ملن استام ۆاكتسينا جەتكٸزٸلدٸ. 1,5 ملن-عا جۋىق ادام ۆاكتسينانىڭ بٸرٸنشٸ كومپونەنتٸن جەنە 350 مىڭ ادام ەكٸنشٸ كومپونەنتٸن الدى. مامىردا ەكٸ ميلليوننان استام ادامدى ۆاكتسينامەن قامتاماسىز ەتۋدٸ جوسپارلاپ وتىرمىز», - دەدٸ اسقار مامين ٷكٸمەت وتىرىسىندا.
ونىڭ اتاپ ٶتۋٸنشە, ۆاكتسينانىڭ قاجەتتٸ كٶلەمٸ بار. سوندىقتان ۆاكتسيناتسييالاۋدىڭ وسى قارقىنىن تٶمەندەتپەي, ونى تەك ٶسٸرۋ كەرەك.
«حالىقتىڭ كوروناۆيرۋسقا قارسى ۆاكتسيناعا قاجەتتٸلٸگٸن بارىنشا قامتاماسىز ەتٸپ, پاندەمييا دەڭگەيٸن تٶمەندەتۋ ٷشٸن بارلىق ٸس-شارالار ٸسكە اسىرىلۋدا. اۋىل تۇرعىندارىنا ۆاكتسينا سالۋعا ەرەكشە نازار اۋدارۋ كەرەك. سونىمەن قاتار ۆاكتسينا العانداردىڭ سانى ارتقانىمەن, ازاماتتار بەلگٸلەنگەن سانيتارييالىق نورمالاردى قاتاڭ ساقتاۋدى جالعاستىرۋى تيٸس», - دەدٸ ٷكٸمەت باسشىسى.
