«اگرارلىق سەكتوردى ودان ەرٸ دامىتۋ ٷشٸن شەشۋدٸ قاجەت ەتەتٸن بٸرقاتار ماڭىزدى مٸندەتتەر دە بار. ناقتى ايتساق, بيىل ەلٸمٸزدٸڭ كەيبٸر ٶڭٸرلەرٸندە بولعان قۋاڭشىلىق جايىلىمدىق جەرلەر مەن جەم-شٶپ دايىنداۋعا قاتىستى بٸراز مەسەلەنٸڭ باسىن اشىپ بەردٸ. جەم-شٶپ ٶندٸرٸسٸ اۋىل شارۋاشىلىعىنىڭ ماڭىزدى باعىتتارىنىڭ بٸرٸ. بيىلعى تاپشىلىققا اۋا-رايىمەن قاتار جەم-شٶپ داقىلدارىنا ارنالعان القاپتاردىڭ جەتكٸلٸكسٸز بولۋى دا ٶز ەسەرٸن تيگٸزدٸ. بۇل رەتتە, قۇرعاقشىلىققا تٶزٸمدٸ اگروداقىلداردى ٶسٸرۋدٸ ىنتالاندىرۋعا باعىتتالعان كەشەندٸ ٸس-شارالاردى قولعا الۋ كەرەكتٸگٸن ماماندار كٶتەرۋدە», - دەدٸ م. ەشٸمباەۆ سەناتتا «اۋىل شارۋاشىلىعىن دامىتۋدىڭ ٶزەكتٸ مەسەلەلەرٸ مەن پەرسپەكتيۆالارى» تاقىرىبىنا ارنالعان پارلامەنتتٸك تىڭداۋدا.
ونىڭ ايتۋىنشا, ۇساق شارۋاشىلىقتاردى, ونىڭ ٸشٸندە جەكە قوسالقى شارۋاشىلىق كووپەراتسييالارىن دامىتۋ اتالعان مەسەلەلەردٸ شەشۋدە ماڭىزدى رٶل اتقارادى. وسى رەتتە مەملەكەت باسشىسىنىڭ تاپسىرماسىنا سەيكەس جەكە قوسالقى شارۋاشىلىق مەرتەبەسٸ مەن ولارعا كٶرسەتٸلەتٸن مەملەكەتتٸك قولداۋدى ايقىندايتىن جەنە ۇساق تاۋار ٶندٸرۋشٸلەردٸڭ كووپەراتسيياسىن دامىتۋعا ارنالعان تيٸستٸ زاڭ جوباسىن ەزٸرلەۋدٸڭ ماڭىزى زور.
«سونىمەن قاتار ۆەتەرينارييا سالاسىن جەتٸلدٸرۋ دە اسا ماڭىزدى. بۇل مەسەلەنٸ سەناتورلار دەيەكتٸ تٷردە كٶتەرۋدە. ينفەكتسييالىق اۋرۋلاردىڭ تۇراقتى ٶرشۋٸ بۇل سالادا جٷيەلٸ سيپاتتاعى پروبلەمالار بار ەكەنٸن كٶرسەتٸپ وتىر. ول مەسەلەلەردٸ شەشۋ تاماق ٶنٸمدەرٸنٸڭ قاۋٸپسٸزدٸك دەرەجەسٸنە جەنە مال ٶنٸمدەرٸن ەكسپورتتاۋعا دا تٸكەلەي ەسەر ەتەتٸنٸ انىق. سوندىقتان ٷكٸمەت ۆەتەرينارييا مەسەلەلەرٸنە ەرەكشە نازار اۋدارىپ, ولاردى ەڭسەرۋ ٷشٸن تيٸستٸ شارالار قابىلداۋى قاجەت», - دەدٸ سەنات تٶراعاسى.
«اۋىل شارۋاشىلىعىن قارجىلاندىرۋ جٷيەسٸن جەتٸلدٸرۋ دە ماڭىزدى مەسەلەلەردٸڭ بٸرٸ. قازٸرگٸ قولدانىستاعى سۋبسيدييالاۋ جٷيەسٸندە بٸرقاتار مەسەلەلەر بار. مەملەكەت باسشىسى قىركٷيەك ايىنداعى جولداۋىندا وسى تاقىرىپقا ەرەكشە نازار اۋدارعانىن جاقسى بٸلەسٸزدەر. سوندىقتان تيٸستٸ مينيسترلٸك پەن «بەيتەرەك» حولدينگٸ سالانى سۋبسيدييالاۋ جٶنٸندەگٸ قولدانىستاعى نورماتيۆتٸك قۇقىقتىق اكتٸلەرگە تالداۋ جاساپ, ورىن العان ولقىلىقتار مەن كەمشٸلٸكتەردٸ جويۋ جٶنٸندە ناقتى ۇسىنىستار ەزٸرلەۋٸ قاجەت. بۇل سالاداعى تاعى بٸر ٶزەكتٸ مەسەلە - ازىق-تٷلٸك تاۋارلارىنا ەدٸل باعا بەلگٸلەۋ بولىپ وتىر. ٶنٸمنٸڭ كەيبٸر ساناتتارى بويىنشا يمپورتتىڭ ٷلەسٸ ايتارلىقتاي كٶپ ەكەنٸ جاسىرىن ەمەس. سونداي-اق, اۋىل شارۋاشىلىعى ٶنٸمدەرٸن ٶندٸرۋشٸدەن تۇتىنۋشىعا دەيٸنگٸ جولعا دەلدالدار ورنىعىپ العان. وسى سەبەپتٸ اتالعان ٶنٸمدەردٸڭ باعاسى ايتارلىقتاي ٶسٸپ وتىر. وسى باعىتتا مەملەكەت باسشىسىنىڭ تاپسىرماسى بويىنشا كٶتەرمە-تاراتۋ ورتالىقتارىنىڭ جەلٸسٸن دامىتۋ – ٶزەكتٸ ماقساتتاردىڭ بٸرٸ», - دەدٸ مەۋلەن ەشٸمباەۆ.
