اۋىل شارۋاشىلىعى تاۋارلارىن ٶنٸدٸرۋشٸلەردەن تيٸستٸ نەتيجە بولاتىنداي مەحانيزمدٸ دايارلاۋ كەرەك.
بۇل تۋرالى اگروٶنەركەسٸپتٸك كەشەن سۋبەكتٸلەرٸن قارجىلاندىرۋ مەسەلەسٸن تالقىلاۋ كەزٸندە پارلامەنت مەجٸلٸسٸ تٶراعاسىنىڭ ورىنباسارى ۆلاديمير بوجكو مەلٸم ەتتٸ, دەپ حابارلايدى قازاقپارات.
«ۇسىنىلعان ماتەريالدارعا توقتالساق, ٶتكەن جىلى «قازاگرو» حولدينگٸ بٶلگەن 400 ملرد تەڭگە سوماسىنداعى قارجىلاندىرۋ تەڭدەسسٸز ٶسٸم بولىپ وتىر, ياعني اسا قوماقتى دەڭگەيدەگٸ قارجىلاندىرۋ بايقالدى. وسى ورايدا اۋىل شارۋاشىلىعى مينيسترلٸگٸنٸڭ بۇرىنعى باسشىسى ٶمٸرزاق شٶكەەۆ (قازٸرگٸ تٷركٸستان وبلىسىنىڭ ەكٸمٸ ٶ. شٶكەەۆ) سالانى قارجىلاندىرۋدى ايتارلىقتاي كٶبەيتۋگە كٷش-جٸگەرٸن سالدى. الايدا بۇل قارجى سوماسى ەلٸ دە جەتكٸلٸكسٸز بولۋدا. رەسەي اۋىل شارۋاشىلىعىن 10 پايىزعا, بەلارۋس رەسمي تٷردە 18 پايىزعا قارجىلاندىرۋدا, ال بٸز اۋىل شارۋاشىلىعى ٸجٶ-سٸنەن 4,5 پايىز دەڭگەيٸندە تۇرمىز», - دەپ توقتالدى ۆ. بوجكو پارلامەنت مەجٸلٸسٸندەگٸ دٶڭگەلەك ٷستەل وتىرىسىندا.
وسى ورايدا ول سالاداعى نەگٸزگٸ پروبلەمالارعا توقتالا كەلە, بٸرٸنشٸ مەسەلە تيٸمدٸ قارجىلاندىرۋدىڭ جەتكٸلٸكسٸز بولۋىنا قاتىستى بولسا, ەكٸنشٸدەن, اۋىل شارۋاشىلىعى تاۋارلارىن ٶندٸرۋشٸلەر قىزمەتٸندەگٸ تيٸمسٸزدٸك كەرٸ تارتىپ تۇرعانىن اتاپ ٶتتٸ.
ٶز كەزەگٸندە قر اۋىل شارۋاشىلىعى ۆيتسە-مينيسترٸ رٷستەم قۇرمانوۆ بٷگٸندە تٷرلٸ سەبەپتەرمەن بانكتەر سالانى قارجىلاندىرۋدى قىسقارتىپ جاتقانىن راستادى.
«مەن وسىعان دەيٸن ايتقان ەدٸم, بٸز 10 جىل بويى گەكتارىنان ورتاشا ەسەپپەن 12 تسەنتنەر استىق شىعىمدىلىعىن ۇستاپ تۇرمىز. وسى ۋاقىت ٸشٸندە گەكتارىنان 12 تسەنتنەر دەڭگەيٸمەن قانداي ەكونوميكا بولادى? اتالعان ۋاقىت ارالىعىندا جانار-جاعارماي قىمباتتادى. ەنەرگەتيكانىڭ تٷنگٸ تاريفٸن الىپ تاستادى. ياعني بارلىق باعىتتار بويىنشا قىمباتتاۋ بولعانىمەن, اۋىل شارۋاشىلىعى ٶندٸرٸسٸندە ەڭبەك ٶنٸمدٸلٸگٸ مەن تيٸمدٸلٸك باعىتىندا تۇراقتى ٶسٸم بايقالمادى», - دەدٸ مەجٸلٸس تٶراعاسىنىڭ ورىنباسارى.
