اۋىل شارۋاشىلىعى تەحنيكاسى جەڭٸلدەتٸلگەن ليزينگكە بەرٸلەدٸ

"بەيتەرەك" ۇلتتىق باسقارۋشى حولدينگٸ اۋىل شارۋاشىلىعى تەحنيكاسىن جەڭٸلدەتٸلگەن ليزينگكە بەرۋ باعدارلاماسىن ٸسكە قوسادى, - دەپ حابارلايدى "ۇلت اقپارات" يندۋسترييالىق دامۋ قورىنا سٸلتەمە جاساپ.

"اۋىل شارۋاشىلىعى تەحنيكاسىن جەڭٸلدەتٸلگەن ليزينگكە بەرۋ باعدارلاماسىن ٸسكە اسىرۋ ٷشٸن 40 ميلليارد تەڭگە بٶلٸنەدٸ, ونىڭ 30 ميلليراد تەڭگەسٸن "ٶنەركەسٸپتٸ دامىتۋ قورى" اق "جاسىل دامۋ" (ٶكم وپەراتورى) اق قاراجاتىنان جەنە 10 ميلليراد تەڭگەسٸن "قازاگروقارجى" اق كاپيتال نارىعىنان تارتادى", - دەلٸنگەن حابارلامادا.

باعدارلاماعا قاتىسۋ ٷشٸن ٶتٸنٸمدەردٸ قابىلداۋ "قازاگروقارجى" اق-نىڭ بارلىق فيليالىندا 5 تامىزدا باستالادى.

ٶتٸنٸمدەردٸ قاراۋدى, سونداي-اق وتاندىق ٶندٸرٸستەگٸ اۋىل شارۋاشىلىعى تەحنيكاسىن ليزينگكە بەرۋدٸ «قازاگروقارجى» اق كەلەسٸ شارتتاردا جٷزەگە اسىرادى:

1. ليزينگ مەرزٸمٸ – 10 جىلعا دەيٸن;

2. سىياقى مٶلشەرلەمەسٸ – جىلدىق 6%;

3. ليزينگ بويىنشا باستاپقى جارنا (اۆانستىق تٶلەم) – ليزينگ نىساناسى قۇنىنىڭ 0%;

4. نەگٸزگٸ بورىشتى ٶتەۋ بويىنشا جەڭٸلدٸك كەزەڭٸ – 1 جىل;

5. قارجىلاندىرۋ كٶلەمٸ – بٸر ليزينگ الۋشىعا 205 000 000 (ەكٸ جٷز بەس ميلليون) تەڭگەدەن جەنە بٸر ليزينگ الۋشىعا اۋىل شارۋاشىلىعى تەحنيكاسىنىڭ ٷش بٸرلٸگٸنەن ارتىق ەمەس.

سونداي-اق قارجىلاندىرۋدىڭ بٸر ليزينگ الۋشىعا ەكٸ جىلدىق كەزەڭ ٸشٸندە بٸر رەتتەن جيٸ ەمەس ۇسىنىلۋى ماڭىزدى شارت بولىپ تابىلادى.

باعدارلاماعا كەلەسٸ وتاندىق ٶندٸرٸستەگٸ ٶزدٸگٸنەن جٷرەتٸن اۋىل شارۋاشىلىعى تەحنيكالارى قاتىسادى:

• LOVOL, DEUTZ FAHR, TURAN, كيروۆەتس, بەلارۋس, RSM, YTO, CLAAS XERION, DONG FENG, WUZHENG ماركالى تراكتورلار;

• ESSIL, VECTOR, ACROS, TORUM, CLAAS TRION, DEUTZ FAHR ماركالى استىق جينايتىن كومبايندار (كٷرٸش كومبايندارى);

• سٷرلەم جينايتىن كومبايندار: جەمشٶپ جينايتىن جوعارى ٶنٸمدٸ كومباين (ججك), جەمشٶپ جينايتىن ٶزدٸگٸنەن جٷرەتٸن كومباين (جٶك).

اۋىل شارۋاشىلىعى تەحنيكاسىن ٶندٸرۋشٸلەردٸڭ تٸزٸمٸنە: «اگروماشحولدينگ KZ» اق, «قوستاناي تراكتور زاۋىتى» جشس, «قازاقستان اگرو يننوۆاتسييالىق كورپوراتسيياسى» جشس, «سەماز» جشس, «Kazrost Engineering Ltd.» جك, «ست ەسەمبلي» جشس, «KazKioti» جشس, «متز-قازاقستان ماشينا جاساۋ زاۋىتى» جشس كٸرەدٸ.

"اۋىل شارۋاشىلىعى تەحنيكاسىن جەڭٸلدەتٸلگەن ليزينگكە بەرۋ باعدارلاماسى شەگٸندەگٸ قارجىلاندىرۋدىڭ رەۆولۆەرلٸك سيپاتتا بولاتىنىن, ياعني قولدانىستاعى ليزينگتٸ ٶتەۋدەن تٷسەتٸن تٶلەمدەردٸڭ جاڭا قارجىلىق ليزينگ شارتتارىن جاساسۋعا قايتا جٸبەرٸلەتٸنٸن ايتا كەتۋ كەرەك. باعدارلامانىڭ ٶزٸ 20 جىلعا ەسەپتەلگەن", - دەلٸنگەن حابارلامادا.