اۋىل شارۋاشىلىعى تەحنيكاسى ەكٸ ەسە قىمباتتادى. بۇل تۋرالى شارۋالاردىڭ مەسەلەلەرٸن بايانداعان «اتامەكەن» ۇكپ اگروٶنەركەسٸپ كەشەنٸ كوميتەتٸنٸڭ تٶراعاسى جيگۋلي دايراباەۆ مەلٸمدەدٸ, دەپ حابارلايدى قازاقپارات.
«وتاندىق اۋىل شارۋاشىلىعى تەحنيكالارىن جاساۋدى دۇرىس قولعا الۋىمىز كەرەك. تەۋەلسٸز ەل بولعانىمىزعا 30 جىلدان استى. بارلىق ٸرٸ كومبايندار مەن اۋىر تەحنيكالاردى قازاقستانعا جيناپ الىپ, ٶزٸمٸزدە شىعارايىق دەۋدەن اۋلاقپىز. دەگەنمەن دە, قاراپايىم سوقا, دەن سەپكٸش, تىرما سيياقتى تەحنيكانى ٶزٸمٸزدە 6-7 زاۋىتتا جاساۋعا بولادى عوي. ەندٸ تەحنيكانىڭ باعاسىن ايتايىن. ك-730 دەگەن ٷلكەن تراكتور بار. ونى وتاندىق دەپ ايتايىن. ٶيتكەنٸ, ونى الىپ كەلٸپ, قازاقستاندا جينايمىز. بىلتىر ول تراكتور 46 ملن تۇراتىن. ال, بيىل ونىڭ قۇنى 92 ملن تەڭگە بولدى. 2 ەسە قىمباتتادى. مەسەلەن, Acros, Vector دەگەن كومبايندار بار. بىلتىر ولار 50-55 ملن بولاتىن. بيىل 114 ملن-عا دەيٸن قىمباتتاپ كەتتٸ», - دەدٸ جيگۋلي دايراباەۆ.
سونىمەن قاتار كەسٸپكەرلەر پالاتاسىنىڭ ٶكٸلٸ اۋىلدارعا جاستاردى تارتۋ مەسەلەسٸن كٶتەردٸ. ونىڭ ايتۋىنشا, وقۋ بٸتٸرگەن جاس مامان اۋىلعا بارعىسى كەلمەيدٸ. ال, ەلدٸ مەكەندەردەگٸ قالانى ازىق-تٷلٸكپەن قاماتاماسىز ەتٸپ وتىرعان كەسٸپورىنداردا جۇمىس كٷشٸ جەتٸسپەيدٸ. سۇرانىس جوعارى. تيٸسٸنشە, دٷكەن سٶرەلەرٸندەگٸ تاۋاردىڭ باعاسى ٶسەدٸ. اگروٶنەركەسٸپ كەشەنٸ كوميتەتٸنٸڭ تٶراعاسى اۋىلداردان جاستار ٷدەرە كٶشٸپ, كەيٸنگٸ جىلدارى ەلٸمٸزدە 1 300-دەن استام اۋىل جابىلىپ قالعانىنا نازار اۋداردى.
