سەناتور مۇرات باقتييارۇلى اگرارلىق سالا ەڭبەككەرلەرٸن قارجىلاي قولداۋدى كٷشەيتۋ ٷشٸن قازاقستاندا اۋىل شارۋاشىلىعى بانكٸن قۇرۋدى ۇسىندى. ول بۇل تۋرالى ەلٸمٸزدٸڭ پرەمەر-مينيسترٸ ەليحان سمايىلوۆتىڭ اتىنا دەپۋتاتتىق ساۋالىندا ايتتى, دەپ حابارلايدى قازاقپارات.
دەپۋتاتتىڭ پٸكٸرٸنشە, ول قازٸرگٸ تاڭدا اسا قاجەت سالاعا ايتارلىقتاي قولداۋ كٶرسەتەر ەدٸ.
بۇل مەسەلە جاقىندا سەناتورلاردىڭ قىزىلوردا وبلىسىنا بارعان جۇمىس ساپارى كەزٸندە كٶتەرٸلگەن بولاتىن. ديقاندار ايماقتاعى نەگٸزگٸ اگرارلىق داقىلى كٷرٸش ەكەنٸن ايتا كەلٸپ, وسى داقىل وبلىستا ٸشكٸ نارىق سۇرانىسىنىڭ 80%-نا دەيٸن قامتاماسىز ەتەتٸنٸنە توقتالدى. الايدا جىل ٶتكەن سايىن جۇمىس ٸستەۋ قيىنداي تٷسۋدە. ٶڭٸردەگٸ سۋارمالى جەرلەردٸڭ جاعدايى ٶتە ناشار, سۋارمالى جەرلەردە سۋ قۇبىرى مەن كەرٸز جٷيەسٸ تيٸستٸ قارجىلاندىرۋدىڭ جوقتىعىنان ۋاقىتىندا تازارتىلمايدى. بۇل قۇبىرلاردىڭ قوقىسقا تولىپ كەتۋٸ مەن شامادان تىس تۇزدانۋعا ەكەلەدٸ.
«دامىعىن ەلدەردە 1 تەكشە مەتر سۋعا 4-6 كەلٸ اۋىل شارۋاشىلىعى ٶنٸمٸ ٶندٸرٸلسە, بٸزدە نەبەرٸ 0,4-0,8 كەلٸ, ياعني 6 ەسە از ٶندٸرٸلەدٸ. ال دامىعان ەلدەردە 1 كەلٸ ٶنٸم ٶندٸرۋگە 160-400 ليتر سۋ جۇمسالسا, بٸزدە 1200-2500 ليتر سۋ جۇمسالادى. دەمەك, ەلٸمٸزدەگٸ سۋارمالى جەرلەردٸڭ گيدرومەليوراتيۆتٸك احۋالى قاناعاتتانارلىقسىز جاعدايدا. بۇل ٷكٸمەت تاراپىنان نازار اۋدارارلىق مەسەلە», - دەدٸ دەپۋتات.
ونىڭ ايتۋىنشا, مينەرالدى تىڭايتقىشتاردىڭ قىمباتتىعى دا بٶلەك بٸر پروبلەما. بيىل ولاردىڭ باعاسى ٶتكەن جىلمەن سالىستىرعاندا 2,5-3 ەسە ٶستٸ. بۇل سالادا دەلدالدار ماڭىزدى رٶل اتقارادى, سونىڭ سالدارىنان ٶنٸمنٸڭ قۇنى ەدەۋٸر ٶسٸپ كەتەدٸ.
دەپۋتات وسىعان بايلانىستى ٶز ساۋالىندا «مەليوراتسييا تۋرالى» زاڭدى قابىلداۋ قاجەتتٸگٸن اتاپ ٶتتٸ. ول زاڭدا مەملەكەتتٸك ورگاندار مەن جەر پايدالانۋشىلاردىڭ جەردٸ مەليوراتسييالاۋ جٶنٸندەگٸ جاۋاپكەرشٸلٸگٸ ناقتىلانۋى تيٸس.
سونىمەن قاتار سەناتور ەلٸمٸزدە اۋىل شارۋاشىلىعى بانكٸن اشۋ قاجەتتٸگٸنە دە نازار اۋداردى.
«بٸزدٸڭ اۋىل شارۋاشىلىعى ٶندٸرۋشٸلەرٸ ەۆرازييالىق ەكونوميكالىق وداققا ەنگەن رەسەي, بەلارۋس ەلدەرٸنٸڭ اۋىل شارۋاشىلىعى تاۋارلارىن ٶندٸرۋشٸلەرٸمەن بەسەكەگە تٷسە الماي وتىر. ٶيتكەنٸ, بۇل ەلدەردٸڭ شارۋالارىنىڭ جەرٸ مەن مٷلكٸن كەپٸلدٸككە الىپ, ۇزاق مەرزٸمگە ارزان نەسيە بەرەتٸن, بٶلٸمشەلەرٸ بارلىق اۋدانداردا ورنالاسقان اگروبانكتەرٸ قىزمەت ەتەدٸ. وسى كەزگە دەيٸن پارلامەنت قابىرعاسىندا بٸرنەشە رەت كٶتەرٸلٸپ, بٸراق شەشٸمٸن تاپپاي جاتقان بٸزدٸڭ ەلٸمٸزدە دە وسىنداي ارنايى مامانداندىرىلعان اۋىل شارۋاشىلىعى بانكٸن اشۋ مەسەلەسٸن قاراپ, ونىڭ وڭ شەشٸلۋٸن بٷكٸل شارۋالار كٷتٸپ وتىرعانىنا نازارىڭىزدى اۋدارعىمىز كەلەدٸ», - دەدٸ م. باقتييارۇلى.
