قازاقستان رەسپۋبليكاسىنىڭ مەملەكەتتٸك حاتشىسى قىرىمبەك كٶشەرباەۆ م. ۆ. لومونوسوۆ اتىنداعى مەسكەۋ مەملەكەتتٸك ۋنيۆەرسيتەتٸنٸڭ قازاقستان فيليالىنا قانداي عيمارات بەرٸلەتٸنٸن ايتتى, دەپ حابارلايدى قازاقپارات.
بۇعان دەيٸن مەملەكەت باسشىسى قاسىم-جومارت توقاەۆ م. ۆ. لومونوسوۆ اتىنداعى مەسكەۋ مەملەكەتتٸك ۋنيۆەرسيتەتٸنٸڭ قازاقستان فيليالىن 20 جىلدىعىمەن قۇتتىقتاپ, فيليالعا جاڭا عيمارات بەرٸلەتٸنٸن ايتقان ەدٸ.
«مەملەكەت باسشىسى قاسىم-جومارت توقاەۆتىڭ تاپسىرماسىمەن ەل ٷكٸمەتٸ م. ۆ. لومونوسوۆ اتىنداعى مەسكەۋ مەملەكەتتٸك ۋنيۆەرسيتەتٸنٸڭ فيليالىنا قر اۋىل شارۋاشىلىعى مينيسترلٸگٸنٸڭ 13 مىڭ شارشى مەتر بولاتىن 15 قاباتتى كەڭسەسٸن بەرۋ تۋرالى شەشٸم قابىلدادى. بۇل بٸزگە رەسەيلٸك ەرٸپتەستەرمەن بٸرگە باسىم ماماندىقتار بويىنشا جوعارى بٸلٸكتٸ مامانداردى دايارلاۋ تٸزٸمٸن كەڭەيتۋگە مٷمكٸندٸك بەرەدٸ دەپ ويلايمىن. سوندىقتان الداعى جاڭا جىلدا سٸزدەردٸ جاعىمدى ٸستەر كٷتٸپ تۇر», - دەدٸ مەملەكەتتٸك حاتشى ممۋ قازاقستان فيليالىندا ٶتكەن مەرەيتوي كەشٸندە.
قىرىمبەك كٶشەرباەۆ ممۋ قازاقستان فيليالىنىڭ ۇجىمىنا زور دەنساۋلىق, باقىت, شىعارماشىلىق تابىس, بٸلٸم مەن عىلىمداعى جاڭا بەلەستەردٸ باعىندىرۋدى جەنە قازاقستان مەن رەسەيدٸڭ ٶركەندەۋٸن تٸلەدٸ.
سونداي-اق, سالتاناتتى جيىن بارىسىندا مەملەكەتتٸك حاتشى م.ۆ. لومونوسوۆ اتىنداعى ممۋ قازاقستان فيليالىنىڭ ديرەكتورى الەكساندر سيدوروۆيچكە «قازاقستان تەۋەلسٸزدٸگٸنە 30 جىل» مەرەيتويلىق مەدالٸن تابىس ەتتٸ.
ايتا كەتەيٸك, م. ۆ. لومونوسوۆ اتىنداعى ممۋ قازاقستان فيليالى قر تۇڭعىش پرەزيدەنتٸ - ەلباسى نۇرسۇلتان نازارباەۆتىڭ باستاماسىمەن جەنە رف پرەزيدەنتٸ ۆلاديمير پۋتيننٸڭ قولداۋىمەن قۇرىلعان.
2000 جىلعى 9 قازاندا رەسەي فەدەراتسيياسىنىڭ پرەزيدەنتٸ ۆ.ۆ. پۋتيننٸڭ قازاقستان رەسپۋبليكاسىنا جاساعان مەملەكەتتٸك ساپارىندا ممۋ رەكتورى, اكادەميك ۆ.ا. سادوۆنيچيي مەن قر بٸلٸم جەنە عىلىم مينيسترٸ ق.ە.كٶشەرباەۆ استانا قالاسىندا ل.ن.گۋميلەۆ اتىنداعى ەۋرازييالىق ۇلتتىق ۋنيۆەرسيتەتتٸڭ بازاسىندا م.ۆ. لومونوسوۆ اتىنداعى مەسكەۋ مەملەكەتتٸك ۋنيۆەرسيتەتٸنٸڭ قازاقستان فيليالىن قۇرۋ تۋرالى حاتتاماعا قول قويعان بولاتىن.
