بيىل اۋىل شارۋاشىلىعى ٶنٸمدەرٸن ٶڭدەۋ سالاسىندا 29 جوبا پايدالانۋعا بەرٸلدٸ. بۇل تۋرالى اۋىل شارۋاشىلىعى مينيسترٸ ەربول قاراشٶكەەۆ مەلٸم ەتتٸ, دەپ حابارلايدى قازاقپارات.
«اعىمداعى جىلدىڭ 10 ايىندا تاماق ٶنٸمدەرٸن ٶندٸرۋ كٶلەمٸ 3,6%-عا ٶسٸپ, 1,8 ترلن تەڭگەنٸ قۇرادى. ەسەپتٸك كەزەڭدە تاماق ٶنٸمدەرٸ ٶندٸرٸسٸنٸڭ نەگٸزگٸ كاپيتالىنا سالىنعان ينۆەستيتسييالار كٶلەمٸ 5,9%-عا ۇلعايىپ, 81,8 ملرد تەڭگەنٸ قۇرادى. زاتتاي مەندە اعىمداعى جىلدىڭ 10 ايىندا جارما ٶندٸرۋ كٶلەمٸ 5,3%-عا, كراحمال ٶنٸمدەرٸن ٶندٸرۋ كٶلەمٸ 18,7%-عا, جەمٸس جەنە كٶكٶنٸس شىرىندارىن ٶندٸرۋ كٶلەمٸ 2,8%-عا, قانت ٶندٸرۋ كٶلەمٸ 2,6 ەسە, قىشقىل سٷت ٶنٸمدەرٸن ٶندٸرۋ كٶلەمٸ 5%-عا, سارى ماي ٶندٸرۋ كٶلەمٸ 9%-عا ارتتى», - دەدٸ ە. قاراشٶكەەۆ ٷكٸمەت وتىرىسىندا.
ونىڭ ايتۋىنشا, ۇن ٶندٸرۋ كٶلەمٸ 4,5%-عا, ٶسٸمدٸك مايىن ٶندٸرۋ كٶلەمٸ 3%-عا, شۇجىق ٶنٸمدەرٸن ٶندٸرۋ كٶلەمٸ 0,4%-عا تٶمەندەدٸ.
«بيىل اۋىل شارۋاشىلىعى ٶنٸمدەرٸن ٶڭدەۋ سالاسىندا 29 جوبا پايدالانۋعا بەرٸلدٸ, ونىڭ ٸشٸندە جالپى قۋاتى 34 مىڭ توننا ەت ٶڭدەۋ بويىنشا 6 جوبا, جاڭعىرتۋ جەنە قۇرىلىس ەسەبٸنەن جالپى قۋاتى 96 مىڭ توننا سٷت ٶڭدەۋ بويىنشا 10 جوبا, 530 مىڭ توننا مايلى داقىلدار ٶڭدەۋ بويىنشا 3 جوبا جەنە جىلىنا 200 مىڭ توننا بيدايدى تەرەڭدەتە ٶڭدەۋ بويىنشا 1 جوبا, جالپى قۋاتى 23,5 مىڭ توننا ماكارون جەنە جارما ٶنٸمدەرٸن ٶندٸرۋ بويىنشا 3 جوبا ٸسكە قوسىلدى. بٷگٸندە ينۆەستيتسييالىق جوبالار پۋلىندا شامامەن 100 جوبا بار. بۇلار - ٶندٸرٸستٸڭ قوسىمشا ٶسٸمٸن جەنە تيٸسٸنشە ەكسپورتتىڭ قوسىمشا كٶلەمٸن قامتاماسىز ەتۋگە مٷمكٸندٸك بەرەتٸن ٶڭدەۋ جٶنٸندەگٸ جاڭا جوبالار. بۇل سايىپ كەلگەندە, ٶڭدەلگەن ٶنٸمنٸڭ ەكسپورتىن ۇلعايتۋ بويىنشا قويىلعان ماقساتقا قول جەتكٸزۋگە مٷمكٸندٸك بەرەدٸ», - دەدٸ مينيستر.
