اۋىل شارۋاشىلىعى مينيسترٸ ساپارحان وماروۆ قويمالارداعى ازىق-تٷلٸك قورى تۋرالى ايتىپ بەردٸ, دەپ حابارلايدى قازاقپارات.
«بٷگٸندە قازاقستاندا ازىق-تٷلٸك جەتكٸلٸكتٸ, ياعني جاعداي تۇراقتى. قازٸرگٸ كەزدە ساۋدا جەلٸلەرٸ مەن قويمالاردا ٶنٸمنٸڭ قاجەتتٸ دەڭگەيٸندە بولۋىنا قاتىستى كٷن سايىن مونيتورينگ جٷرگٸزۋدەمٸز. ەگەر دە كەيبٸر تاۋارلار جەتٸسپەسە, جەتكٸزەمٸز. مىسالى, ماڭعىستاۋ وبلىسىندا قانداي دا بٸر كٶلەمدە تاۋار قاجەت بولسا, بٸز ونى جەدەل تٷردە جەتكٸزەمٸز», - دەدٸ مينيستر پارلامەنت مەجٸلٸسٸندە تٸلشٸلەر ساۋالىنا جاۋاپ بەرە وتىرىپ.
ونىڭ سٶزٸنە قاراعاندا, قازٸرگٸ ەلٸمٸزدەگٸ قويمالاردى ازىق-تٷلٸكپەن تولىقتىرۋ جۇمىستارى جالعاستىرۋدا.
«قازاقستاندا ٶندٸرٸلەتٸن ازىق-تٷلٸك ٶنٸمدەرٸ ەلٸمٸزگە بٸر جىلعا جەتەدٸ. قازٸر قويمالارداعى كٶلەم 5-6 ايعا جەتەدٸ. سونىمەن بٸرگە, بٷگٸندە ٶندٸرٸستەر جۇمىستارىن جالعاستىرىپ جاتقانىن ۇمىتپاۋ كەرەك. توقتاۋسىز جۇمىس ٸستەپ تۇرعان كەسٸپورىندار تاۋارلار كٶلەمٸن ٷنەمٸ تولىقتىرىپ تۇرادى», - دەدٸ ساپارحان وماروۆ.
بۇدان بۇرىن حابارلانعانداي, اۋىل شارۋاشىلىعى مينيسترٸ نەگٸزگٸ ازىق-تٷلٸك تاۋارلارىنىڭ 29 تٷرٸ بويىنشا تۇراقتى تٷردە مونيتورينگ جٷرگٸزٸلٸپ جاتقانىن ايتتى.
