فوتو: اقوردا
پرەزيدەنت اۋىل شارۋاشىلىعى مينيسترٸ ايداربەك ساپاروۆتى قابىلدادى, دەپ حابارلايدى Ult.kz.
كەزدەسۋ بارىسىندا مەملەكەت باسشىسىنا اگرارلىق سالانىڭ 2024 جىلدىڭ ون ايىنداعى دامۋ قورىتىندىسى ۇسىنىلدى. مينيستردٸڭ ايتۋىنشا, نەگٸزگٸ ماكروكٶرسەتكٸشتەر بويىنشا وڭ ديناميكا بايقالعان.
ٶندٸرٸس جەنە ەكسپورت ٶسٸمٸ
ايداربەك ساپاروۆ ەسەپتٸ كەزەڭدە اۋىل شارۋاشىلىعى ٶنٸمدەرٸنٸڭ جالپى كٶلەمٸ 8,1 تريلليون تەڭگەگە جەتٸپ, ٶتكەن جىلمەن سالىستىرعاندا 5,4% ارتقانىن اتاپ ٶتتٸ.
ازىق-تٷلٸك ٶندٸرٸسٸ 9% ٶسٸپ, 3,1 تريلليون تەڭگەگە جەتتٸ.
اگروسەكتور تاۋارلارىنىڭ ەكسپورتى 4,7 ملرد دوللارعا دەيٸن ۇلعايعان.
سالانى قولداۋ شارالارى
سوڭعى ەكٸ جىلدا اگروٶنەركەسٸپ كەشەنٸن دامىتۋ ٷشٸن بٸرقاتار جٷيەلٸ شارالار قابىلدانعان.
سونىڭ ٸشٸندە:
– اينالىم قاراجاتىن تولىقتىرۋ جەنە اۋىل شارۋاشىلىعى تەحنيكاسىن ليزينگكە الۋ ٷشٸن 5% مٶلشەرلەمەمەن تٸكەلەي نەسيە بەرۋ باستالدى;
– پرەزيدەنت تاپسىرماسى بويىنشا اگروسەكتوردى قارجىلاندىرۋ كٶلەمٸ 1 تريلليون تەڭگەگە دەيٸن ارتتى. ونىڭ 250 ملرد تەڭگەسٸ تەحنيكاعا جەڭٸلدەتٸلگەن ليزينگكە باعىتتالعان;
– بيىل 25 مىڭنان استام تەحنيكا ساتىپ الىنىپ, ماشينا-تراكتور پاركٸنٸڭ توزۋى 90%-دان 70%-عا تٶمەندەدٸ;
– مال شارۋاشىلىعىن دامىتۋدىڭ كەشەندٸ جوسپارى دايىندالىپ جاتىر;
– «ە-اٶك» بٸرىڭعاي تسيفرلىق ەكوجٷيەسٸن قۇرۋ جۇمىستارى باستالعان. پلاتفورما سۋبسيدييالاۋ, جەر قورى, ەگٸن, مال جەنە بالىق شارۋاشىلىعىنا قاتىستى مەلٸمەتتەردٸ بٸر ارناعا بٸرٸكتٸرەدٸ.
پرەزيدەنتتٸڭ تاپسىرمالارى
قاسىم-جومارت توقاەۆ اۋىل شارۋاشىلىعى ەڭبەككەرلەرٸنٸڭ فورۋمىندا بەرٸلگەن تاپسىرمالاردىڭ ساپالى ورىندالۋىنىڭ ماڭىزىن اتاپ ٶتتٸ.
مەملەكەت باسشىسى سالانىڭ تيٸمدٸلٸگٸن ارتتىرۋ, اگروسەكتوردىڭ تۇراقتى دامۋىن قامتاماسىز ەتۋ جەنە ەلدٸڭ ازىق-تٷلٸك قاۋٸپسٸزدٸگٸن كٷشەيتۋ باعىتىندا بٸرقاتار ناقتى مٸندەت جٷكتەدٸ.
