«اۋىل» حالىقتىق دەموكراتييالىق پاتريوتتىق پارتيياسىنىڭ تٶراعاسى ەلي بەكتاەۆ مەملەكەت باسشىسىنىڭ بٷگٸن جولداعان ٷندەۋٸنە پٸكٸر بٸلدٸردٸ, دەپ حابارلايدى قازاقپارات.
«مەملەكەت باسشىسى قاسىم-جومارت توقاەۆ بٷگٸن قر پارلامەنتٸ مەجٸلٸسٸ جەنە مەسليحات دەپۋتاتتارى سايلاۋىن ٶتكٸزۋ شەشٸمٸن جارييا ەتتٸ. بۇل شەشٸمدٸ «اۋىل» پارتيياسى تولىق قولدايدى. وعان بٸرنەشە سەبەپ بار. بٸرٸنشٸدەن, قازٸرگٸ جاسالىپ جاتقان قادام كوروناۆيرۋس پاندەميياسىندا بولىپ جاتقان قيىندىقتارعا قاراماستان قازاقستاندىقتارعا ٶز كونستيتۋتسييالىق سايلاۋ قۇقىعىن پايدالانۋعا مٷمكٸندٸك بەرەدٸ. ەكٸنشٸدەن, بۇل سايلاۋ ەرتە ەمەس, كەش ەمەس, ٶزٸنٸڭ كونستيتۋتسييالىق مەرزٸمٸندە ٶتەيٸن دەپ جاتىر. ونىڭ ٶز ەرەكشەلٸكتەرٸ بار, پارتييالار ٷشٸن دە, سايلاۋعا قاتىساتىن بارلىق ەلەكتورات ٷشٸن دە زاڭعا سەيكەس تولىق دايىندىققا دا, قاتىسۋعا دا, داۋىس جيناۋعا دا مٷمكٸندٸك بەرٸلەدٸ دەگەن سٶز», - دەدٸ ەلي بەكتاەۆ ەلوردادا تٸلشٸلەرگە بەرگەن سۇحباتىندا.
سونىمەن بٸرگە, پارتييا تٶراعاسى بۇل سايلاۋدا كٶپتەگەن ٶزگەرٸستەر ورىن العانىن ەسكە سالدى.
«بٸرٸنشٸدەن, قازاقستاندا العاش رەت 30 پايىزدىق ەيەلدەر مەن جاستار كۆوتاسى ەنگەلٸ وتىر. مۇنى دا جاستار مەن ەيەلدەر ٷشٸن ٶتە ٷلكەن مەسەلە دەپ ەسەپتەيمٸز. ەكٸنشٸ مەسەلە – تيٸستٸ زاڭدارعا پارلامەنت ٸشٸندەگٸ وپپوزيتسييا تۋرالى, ولاردىڭ قۇقىقتارى مەن مٷمكٸندٸكتەرٸ تولىق جازىلعان ٶزگەرٸس ەنگٸزٸلدٸ. ٷشٸنشٸ جاڭالىق – جەرگٸلٸكتٸ جەرلەردەگٸ مەسليحات دەپۋتاتتارى دا پارتييالىق تٸزٸممەن سايلاناتىن بولادى. ياعني, بۇرىنعىداي بٸر پارتييانىڭ تٸزٸمٸندەگٸ ادامدار ەمەس, باسقا دا پارتييالاردىڭ مٷشەلەرٸ جەرگٸلٸكتٸ مەسليحاتتاردا ٶز داۋسىنا يە بولىپ, جەرگٸلٸكتٸ پروبلەمالاردى شەشۋگە اتسالىسا الادى. بيىلعى سايلاۋدىڭ وسىنداي ەرەكشەلٸكتەرٸ كٶپپارتييالى پارلامەنتتٸ جاساقتاۋعا مٷمكٸندٸك بەرەدٸ دەپ سەنەمٸز. ول ٷشٸن سايلاۋ مەن داۋىس ساناعى كەزٸندە تازالىق پەن ەدٸلدٸك كەرەك. بۇل مەسەلەنٸ دە پرەزيدەنت ٶز باقىلاۋىنا الىپ وتىر», - دەيدٸ ە. بەكتاەۆ.
«اۋىل» پارتيياسىنىڭ قۇرامىندا جاستار مەن ەيەلدەردٸڭ ٷلەسٸ 42 پايىزدى قۇرايدى.
«الداعى ۋاقىتتا پارتييانىڭ سەزٸ سايلاۋعا قاتىسۋ تۋرالى شەشٸم قابىلداپ جاتسا, پارتييا مٷشەلەرٸ اراسىنان زاڭعا سەيكەس 30 پايىز كٶلەمٸندە جاستار مەن ەيەلدەردٸ تاۋىپ, دوداعا قوسا الامىز دەپ ويلايمىن. وسىنىڭ بارلىعىن ەسكەرە وتىرىپ, «اۋىل» پارتيياسى بۇل سايلاۋمەن كٶپ مەسەلەنٸ بايلانىستىرعىسى كەلٸپ وتىر. «اۋىل» پارتيياسىندا دا دەپۋتات بولىپ, حالقى ٷشٸن قىزمەت ەتۋگە دايىن ازاماتتار, اۋىلمەن ٶز تاعدىرىن بايلانىستىرىپ جٷرگەن تۇلعالار كٶپ. مەنٸڭشە, بۇل سايلاۋ كٶپتەگەن پارتييالار ٷشٸن, سايلاۋشىلار ٷشٸن تاريحي ماڭىزدى كەزەڭ بولعالى تۇر», - دەدٸ ەلي بەكتاەۆ.
سايلاۋعا قاتىسۋ ٷشٸن پارتييانىڭ ٶز باعدارلاماسى بولادى, ول پارتييانىڭ الداعى سەزٸندە قابىلدانادى. سول پلاتفورمادا پارتييانىڭ ناقتى جوسپارلى جۇمىستارى جارييالانادى.
«نەگٸزگٸ باسىمدىق ەرينە اۋىل شارۋاشىلىعى مەن اۋىل تۇرعىندارىنىڭ تۇرمىس-تٸرشٸلٸگٸنە تٷسەدٸ. سەبەبٸ, ول جەردە شەشٸلەتٸن مەسەلە كٶپ. اۋىل شارۋاشىلىعى قازٸر الدىڭعى قاتارعا شىعىپ تۇر, اگرارلىق سەكتوردىڭ ەڭ قاجەتتٸ سالا ەكەنٸن قازٸرگٸ پاندەمييانىڭ ٶزٸ كٶرسەتتٸ. ازىق-تٷلٸكسٸز ٶمٸر جوق, ازىق-تٷلٸكسٸز دەنساۋلىق جوق. ولاي بولسا, قىمبات كٶلٸكتەن, قىمبات ٷيدەن جەنە قىمبات شارالاردان گٶرٸ تازا ورگانيكالىق ازىق-تٷلٸكتٸڭ كٶپ بولۋى حالقىمىز ٷشٸن ەلدەقايدا پايدالى. ول ٷشٸن اۋىل شارۋاشىلىعى جۇمىس ٸستەۋٸ كەرەك», - دەدٸ ەلي بەكتاەۆ.
بۇدان دەيٸن حابارلانعانداي, مەملەكەت باسشىسى قاسىم-جومارت توقاەۆ قر پارلامەنتٸ مەجٸلٸسٸ جەنە مەسليحات دەپۋتاتتارى سايلاۋىن تاعايىنداۋ تۋرالى ٷندەۋ جارييالادى.
«بٷگٸن مەن پارلامەنت مەجٸلٸسٸ دەپۋتاتتارىنىڭ سايلاۋىن تاعايىنداۋ تۋرالى جارلىققا قول قويدىم. ورتالىق سايلاۋ كوميسسيياسىنىڭ قاۋلىسىمەن بارلىق دەڭگەيدەگٸ مەسليحات دەپۋتاتتارىنىڭ سايلاۋى تاعايىندالادى. الداعى سايلاۋ كونستيتۋتسييالىق مەرزٸمگە سەيكەس, 2021 جىلدىڭ 10 قاڭتارىندا ٶتەدٸ. بارلىق ساياسي پارتييالاردىڭ بۇل سايلاۋ ناۋقانىنا قاتىسۋعا دايىندالۋىنا, سايلاۋ الدىنداعى پلاتفورماسىن ەزٸرلەۋٸنە, پارتييالىق ينفراقۇرىلىمداردى جەتٸلدٸرۋٸنە ۋاقىتى جەتكٸلٸكتٸ بولدى. ورتالىق سايلاۋ كوميسسيياسى مەن باس پروكۋراتۋرا سايلاۋدىڭ زاڭدىلىعىن, اشىقتىعىن جەنە ەدٸلدٸگٸن ساقتاۋ ٷشٸن تۇراقتى باقىلاۋ جٷرگٸزٸپ وتىرادى», - دەدٸ پرەزيدەنت.
