مەجٸلٸس دەپۋتاتى ەلييا ساپاروۆا اۋداندىق ماڭىزى بار قالالارعا اۋىل مەرتەبەسٸن بەرۋدٸڭ ارقاسىندا اۋىلدىڭ بيۋدجەتتٸك قىزمەتكەرلەرٸنٸڭ ايلىعى كٶبەيەتٸنٸن مەلٸمدەدٸ, دەپ حابارلايدى "ۇلت اقپارات".
ەسكە سالا كەتسەك, مەجٸلٸس دەپۋتاتى ەلييا ساپاروۆا پارلامەنت مەجٸلٸسٸندە «قر-نىڭ كەيبٸر زاڭنامالىق اكتٸلەرٸنە ٶڭٸرلەردٸڭ ەكٸمشٸلٸك-اۋماقتىق قۇرىلىسىن جەتٸلدٸرۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسىن تانىستىرعان بولاتىن. زاڭ جوباسىنا سەيكەس ەلٸمٸزدەگٸ 13 اۋداندىق ماڭىزى بار قالاعا اۋىل مەرتەبەسٸ بەرٸلەدٸ.
زاڭ جوباسىن تالقىلاۋ بارىسىندا امانگەلدٸ دەۋرەنباەۆ بۇل ٶزگەرٸستەردەن تۇرعىنداردىڭ ەلەۋمەتتٸك-ەكونوميكالىق جاعىنان نە ۇتاتىنىن سۇرادى. ٶز كەزەگٸندە ەلييا ساپاروۆا اۋداندىق ماڭىزى بار قالالاردىڭ (كەيٸن اۋىل مەرتەبەسٸنە ٶزگەرەتٸن) قازٸرگٸ تۇرعىندارى قانداي ارتىقشىلىققا يە بولاتىنىن ناقتى ايتىپ بەردٸ.
«اۋداندىق ماڭىزى بار قالاعا اۋىل مەرتەبەسٸ بەرٸلسە بٸرٸنشٸدەن اۋىلداردا ەڭبەك ەتەتٸن دەنساۋلىق ساقتاۋ, مەدەنيەت, بٸلٸم, ەلەۋمەتتٸك قامسىزداندىرۋ, سپورت سالاسىنداعى قىزمەتكەرلەردٸڭ جالاقىسىنا 25 پايىزدىق ٷستەمەاقى قوسىلادى. ەكٸنشٸدەن اۋىلداعى مەكتەپتەردٸڭ تٷلەكتەرٸنە وقۋعا تٷسۋ ٷشٸن قابىلداۋ كۆوتاسى قاراستىرىلعان. سونداي-اق ايتا كەتەرلٸگٸ, وسىنداي باعدارلامالاردىڭ بٸرٸ – «ديپلوممەن اۋىلعا» باعدارلاماسى اياسىندا اۋىلدى ەلدٸمەكەندەرگە كەلٸپ جاتقان جاس ماماندارعا مەملەكەتتٸك قولداۋ كٶرسەتٸلەدٸ. اتاپ ايتقاندا ولارعا كٶتەرمە جەردەماقى مەن تۇرعىن ٷي الۋ ٷشٸن بيۋدجەتتٸك نەسيە بەرٸلەدٸ», - دەدٸ ول.
ەيتسە دە, ٶز كەزەگٸندە ۇلتتىق ەكونوميكا ۆيتسە-مينيسترٸ ەرمەك الپىسوۆ اۋداندىق ماڭىزى بار قالالارعا اۋىل مەرتەبەسٸن بەرۋ مەسەلەسٸ تەك تۇرعىنداردىڭ جيىنى ارقىلى شەشٸلەتٸنٸن, ياعني سونداعى حالىقتىڭ پٸكٸرٸ ەسكەرٸلەتٸنٸن مەلٸمدەدٸ.
