اۋىل ەكٸمدەرٸن تٸكەلەي سايلاۋ شەشٸمدەردٸڭ ساپاسى مەن تيٸمدٸلٸگٸن جاقسارتادى. مۇنداي پٸكٸردٸ قازاقستاننىڭ ستراتەگييالىق زەرتتەۋلەر ينستيتۋتى ەلەۋمەتتٸك-ساياسي زەرتتەۋلەر بٶلٸمٸنٸڭ اعا عىلىمي قىزمەتكەرٸ جانار سانحاەۆا بٸلدٸردٸ, دەپ حابارلايدى قازاقپارات.
«جان-جاقتى ماعىنادا الىپ قارار بولساق, سايلاۋ سايلاۋشىلارىنىڭ مٷددەسٸن بٸلدٸرٸپ, ولاردىڭ اتىنان شەشٸم قابىلدايتىن لاۋازىمدى تۇلعانى جەنە دەپۋتاتتى سايلاۋ قۇرالى ەكەندٸگٸ بەلگٸلٸ. وسىدان-اق اۋىل ەكٸمدەرٸن سايلاۋ اۋىل تۇرعىندارىن جەرگٸلٸكتٸ اۋماقتاردى باسقارۋعا تارتۋ جەنە وعان قاتىسۋىن كەڭەيتۋدٸڭ نەگٸزگٸ تەتٸگٸ ەكەندٸگٸن بايقاۋعا بولادى. دەگەنمەن, قازاقستاندا اۋىل ەكٸمدەرٸن سايلاۋ مەملەكەتتٸك باسقارۋدى ورتالىقسىزداندىرۋ جەنە جەرگٸلٸكتٸ ٶزٸن ٶزٸ باسقارۋ مەن جەرگٸلٸكتٸ دەموكراتييا ينستيتۋتتارىن كٷندەلٸكتٸ تەجٸريبەگە ەنگٸزۋدە ماڭىزدى باعىتتاردىڭ بٸرٸ بولىپ قالا بەرەدٸ», - دەدٸ ول قازاقپارات تٸلشٸسٸنە بەرگەن سۇقباتىندا.
ساراپشىنىڭ اتاپ ٶتۋٸنشە, بٷگٸندە قازاقستانداعى اۋىل تۇرعىندارىنىڭ ٷلەسٸ ەل ازاماتتارى سانىنىڭ شامامەن 40 پايىزىن قۇرايدى. بٷگٸندە ولاردىڭ مٷددەسٸن اۋىل ەكٸمدەرٸن تٸكەلەي سايلاۋعا دەيٸن تەك اۋداندىق دەپۋتاتتار عانا بٸلدٸرٸپ كەلدٸ. وسى رەتتە بۇعان دەيٸن اۋىل ەكٸمدەرٸ اۋداندىق دەپۋتاتتاردىڭ-سايلاۋشىلاردىڭ جاناما سايلاۋى ارقىلى تاعايىندالىپ كەلگەندٸگٸن اتاپ ٶتكەن جٶن. دەمەك, ەلٸمٸزدە سوڭعى 20 جىل بويى اۋىل ەكٸمدەرٸن جاناما سايلاۋ تەجٸريبەسٸنٸڭ بار ەكەندٸگٸن ەسكەرەر بولساق, ەندٸگٸ ۋاقىتتا ولار تٸكەلەي سايلاۋعا نەگٸزٸ بار دەۋگە بولادى.
«اۋىل ەكٸمدەرٸن تٸكەلەي سايلاۋدان كٷتٸلەتٸن نەتيجە رەتٸندە جەرگٸلٸكتٸ جەرلەردە قابىلداناتىن شەشٸمدەردٸڭ ساپاسى مەن تيٸمدٸلٸگٸنٸڭ ارتا تٷسەتٸندٸگٸن ايتۋعا بولادى. وعان ەكٸ فاكتور سەپتٸگٸن تيگٸزەدٸ. بٸرٸنشٸدەن, قابىلداناتىن شەشٸم ەربٸر اۋىلدىڭ قاجەتتٸلٸگٸنە بايلانىستى جٷزەگە اسىرىلادى. قازاقستاندا بٸر-بٸرٸمەن ايىرماشالىعى بار 2 مىڭنان استام اۋىل بار جەنە اۋىل ەكٸمدەرٸن تٸكەلەي سايلاۋ ينستيتۋتى ولاردى باسقارۋدا بٸرەگەي ەدٸس قالىپتاستىرۋعا سەپتٸگٸن تيگٸزەدٸ. ەكٸنشٸدەن, اۋىل باسشىسىنىڭ كەلەسٸ مەرزٸمگە قايتا سايلانۋى سايلاۋشىلارعا, ياعني ناقتى اۋىل تۇرعىندارى تاراپىنان قولداۋعا بايلانىستى. دەگەنمەن, تۇرعىندار دا ٶز ٶكٸلەتتٸكتەرٸن سايلاناتىن ەكٸمگە بەرۋ ارقالى جاساعان تاڭداۋى ٷشٸن جاۋاپكەرشٸلٸك ارقالايتىندىعىن بٸلۋٸ تيٸس», - دەدٸ جانار سانحاەۆا.
