مارات وسپانوۆ اتىنداعى باتىس قازاقستان مەديتسينا ۋنيۆەرسيتەتٸ قوعامدىق-گۋمانيتارلىق پەندەر كافەدراسىنىڭ مەڭگەرۋشٸسٸ, وبلىستىق قوعامدىق كەڭەس مٷشەسٸ التاي تايجانوۆ اۋىل ەكٸمٸن سايلاۋ, جاڭا رەفورما جٶنٸندە ٶز پٸكٸرٸن بٸلدٸردٸ, دەپ حابارلايدى قازاقپارات.
فيلوسوفييا عىلىمدارىنىڭ دوكتورى, پروفەسسور التاي تايجانوۆ اۋىل ەكٸمٸن سايلاۋ اۋىل ٶمٸرٸنە ٶزگەرٸستەر ەكەلەدٸ دەپ ەسەپتەيدٸ.
«بۇل حالىقتىڭ ٷنٸ, تٸلەگٸ, تٸپتٸ تالابى دەپ ايتساق بولادى. ەكٸمدەر پرەزيدەنتتٸڭ جەرگٸلٸكتٸ جەردەگٸ ٶكٸلٸ ەكەنٸ بەلگٸلٸ. «تٶمەنگٸ بۋىننان باستاپ جوعارى قاراي جٷرۋ قاجەت. ەيتپەسە, قيىندىق, قاتەلٸك بولار» دەگەن ويمەن ەۋەلٸ اۋىل ەكٸمدەرٸنەن باستاپ سايلاۋ قولعا الىندى. ەرٸ قاراي جوعارىلاي بەرۋٸ مٷمكٸن. جەكە پٸكٸرٸم: جالپى ەكٸمدەردٸ حالىقتىڭ سايلاپ قويۋى دۇرىس. سەبەبٸ بٸرەۋدٸ بٸرەۋ تاعايىنداپ قوياتىن بولسا, ول سول ادامعا تەۋەلدٸ. حالىق سايلاپ قوياتىن بولسا, ول حالىقتىڭ اتىنان سٶيلەي الادى. حالىققا ەشكٸم تەۋەلدٸ ەمەس, حالىققا قىزمەت ەتەسٸڭ. مەسەلەنٸڭ مەن-ماڭىزى وسىندا. ەسٸرەسە ەل اراسىنداعى تٷرلٸ پٸكٸر, ويدىڭ ەركٸن ايتىلۋى, ەلەۋمەتتٸك جەلٸدەگٸ جازبا, بيلٸك پەن حالىق اراسىنداعى الشاقتىق بٸلٸنگەن كەزدە مۇنىڭ مەنٸ زور دەپ ەسەپتەيمٸن. بۇل حالىقتىڭ ويانۋى. ەكٸمدٸ حالىق سايلاسا, حالىق اراسىندا جٷرەتٸن بولسا, ول ويانعان, حالىقپەن ٷندەسە, پٸكٸرلەرٸن تىڭداي جٷرٸپ, ويانعىسى كەلٸپ جٷرگەن حالىققا قىزمەت ەتە الادى», - دەدٸ ول.
اۋىل ەكٸمٸنە ٷمٸتكەرلەر ٶز باعدارلامالارىندا ەلەۋمەتتٸك مەسەلەلەر شەشٸمٸن ۇسىندى. التاي تايجانوۆتىڭ ايتۋىنشا, مۇنى جەتكٸزۋ, ٸسكە اسىرۋ كەز كەلگەننٸڭ قولىنان كەلمەيدٸ.
«الۋان-الۋان جٷيرٸك بار, ەلٸنە قاراي شابادى. اۋىل, تٸپتٸ اۋدان ەكٸمٸ ٶزٸ جول سالا المايدى. ول ٷشٸن بيۋدجەتتەن قارجى قاراستىرىلۋى كەرەك. ال قارجى بٶلۋ ٷشٸن سول مەكەننٸڭ اقساپ تۇرعان تۇسىن, ناقتى تٷسٸندٸرٸپ, ايتۋ كەرەك. وبلىس ەكٸمٸ قولداپ, مەسليحاتتا بەكٸتٸلۋٸ تيٸس. اۋىلدان سايلانعان, حالىق تاڭداعان ادام ٸس قىلام دەسە جوعارى وتىرعاندار قولدايدى دەپ ەسەپتەيمٸن. ال ونى تاعايىندايتىن بولسا, «ورنىڭا باسقا ادامدى قويامىن, ٷندەمەي وتىر» دەپ ايتۋى مٷمكٸن. حالىق سايلاعان ادامنىڭ ارتىندا حالىق بار. جالتاقتاماي, ٶز بٸلٸمٸ مەن بٸلٸگٸن وسى سالادا پايدالانا الادى»,- دەدٸ مارات وسپانوۆ اتىنداعى باتىس قازاقستان مەديتسينا ۋنيۆەرسيتەتٸ قوعامدىق-گۋمانيتارلىق پەندەر كافەدراسىنىڭ مەڭگەرۋشٸسٸ, وبلىستىق قوعامدىق كەڭەس مٷشەسٸ التاي تايجانوۆ.
ونىڭ ايتۋىنشا, سايلاۋدىڭ ەدٸلەتتٸ ٶتۋٸن قامتاماسىز ەتۋ قاجەت. دۇرىس, ٸسكەر ازامات اۋىلدى ٶرگە سٷيرەيدٸ. دۇرىس تاڭداۋ اۋىل تۇرعىندارىنىڭ سانالىلىعىن, بٸلٸكتٸلٸگٸ مەن پاراساتتىلىعىن كٶرسەتەدٸ.
«بٸرەۋدٸڭ جوعالعان تايلاعىن بٸرەۋ ٶلەڭ ايتىپ جٷرٸپ ٸزدەيدٸ»,- دەگەن بار. مەنٸڭ ويىمشا, ەكٸم سول اۋىلدان شىققان ادام بولۋى كەرەك. بەلكٸم ول قالادا تۇرىپ, اۋىلعا ەكٸم بولعان سوڭ كٶشٸپ بارىپ, سول جەردە ٷلكەن ٸس تىندىرۋى مٷمكٸن. مۇنداي ادامداردى قۇپتايمىن. ال اۋىل ەكٸمٸ قىزمەتٸن ترامپلين رەتٸندە قولدانىپ, جوعارى قىزمەتتەرگە كٶتەرٸلۋدٸ كٶزدەسە, بۇرىس. قالادان اۋىلعا بارسا, كٶرگەن, بٸلگەن, ٷيرەنگەنٸن اۋىلداستارىنا ارناسا, ودان ارتىعى جوق بولار ەدٸ, ەلدٸڭ مەدەني-رۋحاني جاڭعىرۋىنا دا ٷلەس قوسار ەدٸ», - دەدٸ التاي تايجانوۆ.
