بالام بارلىق وقۋشىمەن بٸردەي مەكتەپكە بارىپ, بٸلٸم الۋعا تولىق قۇقىلى. بۇل تۋرالى «كەرۋەن» ساۋدا ورتالىعىندا ٶتٸپ جاتقان اۋتيزم مەسەلەسٸن اقپاراتتاندىرۋ ناۋقانىندا 8 جاسار ەراسىلدىڭ اناسى گاۋھار مٷگٸنوۆا ايتتى, دەپ حابارلايدى ۆaq.kz تٸلشٸسٸ.
گاۋحار مٷگٸنوۆا – بٷگٸنگٸ ناۋقاندى قولداۋ ٷشٸن ارنايى كەلگەن اتا-انالاردىڭ بٸرٸ.
«بٷگٸنگٸ ناۋقاندى قولداۋعا كەلدٸم. سەبەبٸ اۋتيزم پروبلەماسى بار. ونى جاسىرماي, كەرٸسٸنشە, ٷيدە وقىپ جٷرگەن بالالاردى سىرتقا شىعارىپ, مەكتەپكە بەرۋ كەرەك. باسقا اتا-انالار دا ٶز بالالارىن قولعا الىپ, قوعامدىق ورتاعا شىعارعانىن قالايمىن», - دەدٸ ول.
ول ٶز بالاسىنىڭ اۋتيستيكالىق سپەكتر اۋىتقۋلارى بارىن كەش بٸلٸپ قالعانىن ايتتى.
«بالام ەكٸ جارىم جاسىندا سٶيلەۋٸ كەشٸگٸپ جاتقانىن بايقادىم. دەرٸگەرلەر تٷرلٸ ەم ايتتى, لوگوپەدكە باردىق. سٶيلەۋٸ, دامۋى كەشٸگٸپ جاتىر دەگەن دياگنوزبەن جٷردٸك. بٸراق ٶزٸم ٸشتەي كٷمەنداندىم. اۋتيزم بار دەپ ويلادىم. شەتەلدٸك دەرٸگەرلەرگە باردىق. تەكسەردٸ. مەن ويلاعان دياگنوزدى راستادى. سودان كەيٸن ەسەپكە قويدىق. مٷگەدەكتٸك الدىق. جاسى ٷلكەيگەن سوڭ باسقا بالالارمەن ارالاسىپ, قوعامعا بەيٸمدەلۋ كەرەك دەپ ويلادىق تا, ارنايى ماماندار ٸزدەدٸك. 2017 جىلى 8 جاسقا تولعاندا وسى استاناداعى №83 مەكتەپتٸڭ 1-سىنىبىنا بەردٸك. قازٸر باسقا بالالارمەن بٸر سىنىپتى بٸلٸم الىپ جاتىر», - دەدٸ گاۋھار مٷگٸنوۆا.
ەراسىلدىڭ اناسى بالاسىنا ارنايى تيۋتەر تاۋىپ, ونىڭ جالاقىسىن ٶزٸ تٶلەيتٸنٸن جەتكٸزدٸ.
«مەن بالاما تەجٸريبەسٸ بار تيۋتەر ٸزدەدٸم. تاپتىم. ايىنا 70 مىڭ تەڭگە جالاقى تٶلەيمٸن. ٶيتكەنٸ, بالاما دا, ٶزگە بالالارعا دا ىڭعايلى بولسىن دەگەن ويمەن تەجٸريبەلٸ مامان تاڭدادىم», - دەدٸ ول.
گاۋھار مٷگٸنوۆا اۋتيزم دياگنوزى بار بالالاردىڭ اتا-انالارىنا بالالارىن ٷيدە ۇستاپ وتىرماۋعا كەڭەس بەردٸ.
«ٶزگە اتا-انالارعا مەكتەپ تاراپىنان تيۋتەر بەرٸلەدٸ. سولاردان تاڭداۋعا بولادى. ياعني, ينكليۋزيۆتٸ سىنىبى بار مەكتەپكە بەرۋ ٷشٸن سەل قيمىلداۋ كەرەك. بالانى ٷيدە ۇستاپ, وتىرا بەرگەننەن تٷك شىقپايدى. ەر اتا-انا بالاسىنا ٶزٸ جاۋاپتى. سوندىقتان «بولاشاق» كورپوراتيۆتٸك قورىنا كەلٸپ, كەڭەس سۇراسىن. ولار قايدا بارۋ كەرەك, كٸمگە بارۋ كەرەك... بارلىعىن تٷسٸندٸرەدٸ», - دەدٸ ول.
.jpeg)