8 قاراشادان باستاپ اۋسترييادا كوروناۆيرۋس ينفەكتسيياسىنا قارسى شەكتەۋ ەلدەقايدا كٷشەيتٸلدٸ, دەپ حابارلايدى قازاقپارات DW-عا سٸلتەمە جاساپ.
كٶپتەگەن قوعامدىق ورىن, سونىڭ ٸشٸندە قوعامدىق تاماقتانۋ ورىندارى, شاشتاراز نەمەسە 25 ادامنان كٶپ جينالاتىن شارالارعا ەندٸ تەك ەكپە سالدىرعان نەمەسە ۆيرۋسقا شالدىعىپ, جازىلىپ شىققاندار عانا كٸرە الادى (2G ەرەجەسٸ).
جۇمىس ورىندارىنا جەتۋ ٷشٸن بۇرىنعىداي ەكسپرەسس تەست ۇسىنۋ جەتكٸلٸكتٸ. ٶتپەلٸ تٶرت اپتالىق كەزەڭگە 2G ەرەجەسٸنە كٸرمەيتٸندەر رەتٸندە پتر-تەست تەرٸس قورىتىندىسى بار, قوس ەكپەنٸڭ بٸرٸن العانى تۋرالى انىقتاماسى بارلار عانا جٸبەرٸلەدٸ.
«جاسىل تٶلقۇجات» ەكٸنشٸ ەكپە العان كٷننەن باستاپ 9 اي بويى عانا قولدانىستا بولادى.
قازٸر اۋسترييادا حالىقتىڭ شامامەن 65 پايىزى كوروناۆيرۋس ۆاكتسيناسىن تولىق العان. قازٸرگٸ كەزدە اۋسترييادا ۆيرۋس جۇقتىرۋ كٶرسەتكٸشٸ ورتاشا ەسەپپەن العاندا 599 ادام, ال بٸرقاتار اۋدانداردا اۋرۋ جۇقتىرۋ 100 مىڭ تۇرعىنعا شاققاندا 900 وقيعاعا شەيٸن جەتكەن.
بۇل 100 مىڭ ادامعا شاققاندا 200 جۇقتىرۋ دەڭگەيٸندە بولىپ تۇرعان گەرمانيياداعى جاعدايدان ەلدەقايدا جوعارى.
