8 qarashadan bastap Aýstriiada koronavirýs infektsiiasyna qarsy shekteý áldeqaida kúsheitildi, dep habarlaidy QazAqparat DW-ǵa silteme jasap.
Kóptegen qoǵamdyq oryn, sonyń ishinde qoǵamdyq tamaqtaný oryndary, shashtaraz nemese 25 adamnan kóp jinalatyn sharalarǵa endi tek ekpe saldyrǵan nemese virýsqa shaldyǵyp, jazylyp shyqqandar ǵana kire alady (2G erejesi).
Jumys oryndaryna jetý úshin burynǵydai ekspress test usyný jetkilikti. Ótpeli tórt aptalyq kezeńge 2G erejesine kirmeitinder retinde PTR-test teris qorytyndysy bar, qos ekpeniń birin alǵany týraly anyqtamasy barlar ǵana jiberiledi.
«Jasyl tólqujat» ekinshi ekpe alǵan kúnnen bastap 9 ai boiy ǵana qoldanysta bolady.
Qazir Aýstriiada halyqtyń shamamen 65 paiyzy koronavirýs vaktsinasyn tolyq alǵan. Qazirgi kezde Aýstriiada virýs juqtyrý kórsetkishi ortasha eseppen alǵanda 599 adam, al birqatar aýdandarda aýrý juqtyrý 100 myń turǵynǵa shaqqanda 900 oqiǵaǵa sheiin jetken.
Bul 100 myń adamǵa shaqqanda 200 juqtyrý deńgeiinde bolyp turǵan Germaniiadaǵy jaǵdaidan áldeqaida joǵary.
