قازاقستاندىق, ەلەمنٸڭ 42-راكەتكاسى يۋلييا پۋتينتسەۆا اۋسترالييا اشىق چەمپيوناتىنىڭ ەكٸنشٸ اينالىمىنا ٶتە المادى, دەپ حابارلايدى قازاقپارات.
پۋتينتسەۆا العاشقى اينالىمدا دٷنيەجٷزٸلٸك رەيتينگتە 107-ورىندا تۇرعان فرانتسييالىق حارموني تانمەن كەزدەستٸ.
فرانتسييالىق تەننيسشٸ كٷتپەگەن جەردەن 6:3, 6:3 ەسەبٸمەن جەڭٸسكە جەتتٸ.
پۋتينتسەۆا 1 ساعات 18 مينۋتقا سوزىلعان ماتچ بارىسىندا 2 ەيس جاساپ, 2 برەيك-پوينتتىڭ ەكەۋٸن دە پايدالاندى. قارسىلاسى 3 ەيس, 5 برەيككە (6 برەيك-پوينت) قول جەتكٸزدٸ.
ول ٶتكەن جىلى وسى بٸرٸنشٸلٸكتە ٷشٸنشٸ اينالىمعا دەيٸن جەتكەن بولاتىن.
وسىلايشا اۋسترالييا اشىق چەمپيوناتى قازاقستاندىقتار ٷشٸن سەتسٸز باستالدى. دەگەنمەن پۋتينتسەۆا جۇپتىق سىندا امەريكالىق سوفييا كەنينمەن بٸرگە ەكٸ كٷننەن كەيٸن كورتقا شىعادى.
