قازاقستاندىقتار الەكساندر بۋبليك پەن اندرەي گولۋبەۆ جۇپتىق سىندا اۋسترالييا اشىق چەمپيوناتىنىڭ ٷشٸنشٸ اينالىمىنا شىقتى, دەپ حابارلايدى "ۇلت اقپارات".
قازاقستاندىق جۇپ ەكٸنشٸ اينالىمدا وسى تۋرنيردٸڭ كٶشباسشىلارى, كولۋمبييالىقتار حۋان-سەباستيان كابال – روبەرت فاراحپەن كەزدەستٸ.
قازاقستاندىقتار بٸرٸنشٸ پارتييادا 6:4 ەسەبٸمەن جەڭٸسكە جەتتٸ.
بۋبليك پەن گولۋبەۆ ەكٸنشٸ سەتتە دە 5:3 ەسەبٸمەن العا شىقتى. سودان كەيٸن ماتچقا دوپ بەرگەندە, ٶز مٷمكٸندٸكتەرٸن پايدالانا بٸلدٸ – 6:4.
بەسەكە 1 ساعات 11 مينۋتقا سوزىلدى.
قازاقستاندىق جۇپ شيرەك فينالعا شىعۋ ٷشٸن سالۆادورلىق مارسەلو ارەۆالو – نيدەرلاندىلىق ماتۆە ميددەلكوپپەن تالاسادى.
