قازاقستاندىق الەكساندر نەدوۆەسوۆ جۇپتىق سىندا اۋسترالييا اشىق چەمپيوناتىنىڭ ەكٸنشٸ اينالىمىنا شىقتى, دەپ حابارلايدى قازاقپارات.
قازاقستان تەننيس فەدەراتسيياسى مەلٸم ەتكەندەي, ا.نەدوۆەسوۆ پەكستاندىق ايسام-ۋل-حاك كۋرەشيمەن بٸرگە باستاپقى كەزدەسۋٸن جارىستىڭ 7-راكەتكالارى, فرانتسييالىقتار نيكوليا مايۋ – فابريس مارتەنمەن ٶتكٸزدٸ.
تارتىستى ٶتكەن ماتچ تاعدىرى ٷشٸنشٸ سەتتە شەشٸلدٸ.
قازاقستاندىق-پەكستاندىق جۇپ 7:6 (7:1), 5:7, 6:2 ەسەبٸمەن جەڭٸسكە جەتتٸ.
نەدوۆەسوۆ پەن كۋرەشي 2 ساعات 29 مينۋتقا سوزىلعان بەسەكە بارىسىندا 11 ەيس جاساپ, ٷش برەيككە قول جەتكٸزدٸ. ەندٸ ولار ەكٸنشٸ اينالىمدا تاعى بٸر قازاقستاندىق الەكساندر بۋبليك – پولشا ٶكٸلٸ يان زەلينسكي نەمەسە امەريكالىق ماركوس حيرون – وڭتٷستٸككورەيالىق سۋن ۆۋ كۆون جۇپتارىنىڭ قاي جەڭگەنٸمەن كەزدەسەدٸ.
نيكوليا مايۋ تاعى بٸر فرانتسييالىق پەر ەربەرمەن بٸرگە ٶتكەن جىلى رولان گارروس تۋرنيرٸنٸڭ فينالىندا قازاقستاندىقتار الەكساندر بۋبليك پەن اندرەي گولۋبەۆتٸ ۇتىپ, چەمپيون اتانعان بولاتىن.
