الماتىدا ۆاكتسينا سالدىرعاندار اۋرۋحاناعا 20 ەسە از تٷسەدٸ. بۇل تۋرالى قالانىڭ باس سانيتارلىق دەرٸگەرٸ جانداربەك بەكشين ونلاين بريفينگ بارىسىندا مەلٸم ەتتٸ, دەپ حابارلايدى قازاقپارات اگەنتتٸگٸ.
«جۇقتىرۋ دەڭگەيٸ تٶمەندەدٸ, بٸراق بوساڭسۋعا بولمايدى. پاندەمييا باستالعالى COVID-19 ينفەكتسيياسىنىڭ 155 739 راستالعان جاعدايى تٸركەلدٸ. قالا ەلٸ دە «قىزىل» ايماقتا. بٸزدٸڭ مٸندەت – دەرتتٸ شەكتەۋ شارالارىن قولدانۋ ارقىلى تٶمەندەتۋ. مۇندا بەرٸمٸز جاۋاپكەرشٸلٸك تانىتۋعا تيٸسپٸز – كەسٸپكەرلەر دە, تۇرعىندار دا», - دەدٸ الماتى قالاسىنىڭ باس سانيتار دەرٸگەرٸ.
قابىلدانعان شارالاردىڭ نەتيجەسٸندە الماتىدا ەپيدەميولوگييالىق جاعداي تۇراقتاندى.
«قالا تۇرعىندارى اراسىندا ۆيرۋس جۇقتىرۋ جاعدايىنىڭ تٶمەندەۋٸ 25 تامىزداعى 1605 جاعدايدان 8 قىركٷيەك كٷنٸ 976-عا دەيٸن تٶمەندەدٸ. بۇل تٶمەندەۋ بٷگٸندە الماتى تۇرعىندارىنىڭ 46%-ى يممۋندىق قاباتىنىڭ قالىپتاسۋىنا بايلانىستى بولىپ وتىر. قازٸرگٸ ۋاقىتتا كوروناۆيرۋسقا قارسى كٷنٸنە 3 مىڭعا جۋىق ادام ۆاكتسينالانادى. بٸر اي بۇرىن كٷنٸنە 10-12 مىڭعا جۋىق ادامعا ۆاكتسينا الاتىن»,- دەدٸ ول.
بٷگٸندە ۆاكتسينانىڭ بٸرٸنشٸ كومپونەنتٸن - 899 784 ادام, ەكٸنشٸ كومپونەنتٸن - 779 870 تۇرعىن الدى.
«بٸز ۆاكتسينا 100% قورعامايتىنىن تٷسٸنەمٸز. الايدا, ولاردىڭ «دەلتا» شتامىنا قارسى تۇرۋى 80%-دان اسادى. ۆاكتسينالانعان الماتىلىقتار اۋرۋحاناعا 20 ەسە از تٷسەتٸنٸن اتاپ ٶتكٸم كەلەدٸ», - دەدٸ جانداربەك بەكشين.
