Almatyda vaktsina saldyrǵandar aýrýhanaǵa 20 ese az túsedi. Bul týraly qalanyń bas sanitarlyq dárigeri Jandarbek Bekshin onlain brifing barysynda málim etti, dep habarlaidy QazAqparat agenttigi.
«Juqtyrý deńgeii tómendedi, biraq bosańsýǵa bolmaidy. Pandemiia bastalǵaly COVID-19 infektsiiasynyń 155 739 rastalǵan jaǵdaiy tirkeldi. Qala áli de «qyzyl» aimaqta. Bizdiń mindet – dertti shekteý sharalaryn qoldaný arqyly tómendetý. Munda bárimiz jaýapkershilik tanytýǵa tiispiz – kásipkerler de, turǵyndar da», - dedi Almaty qalasynyń bas sanitar dárigeri.
Qabyldanǵan sharalardyń nátijesinde Almatyda epidemiologiialyq jaǵdai turaqtandy.
«Qala turǵyndary arasynda virýs juqtyrý jaǵdaiynyń tómendeýi 25 tamyzdaǵy 1605 jaǵdaidan 8 qyrkúiek kúni 976-ǵa deiin tómendedi. Bul tómendeý búginde Almaty turǵyndarynyń 46%-y immýndyq qabatynyń qalyptasýyna bailanysty bolyp otyr. Qazirgi ýaqytta koronavirýsqa qarsy kúnine 3 myńǵa jýyq adam vaktsinalanady. Bir ai buryn kúnine 10-12 myńǵa jýyq adamǵa vaktsina alatyn»,- dedi ol.
Búginde vaktsinanyń birinshi komponentin - 899 784 adam, ekinshi komponentin - 779 870 turǵyn aldy.
«Biz vaktsina 100% qorǵamaitynyn túsinemiz. Alaida, olardyń «delta» shtamyna qarsy turýy 80%-dan asady. Vaktsinalanǵan almatylyqtar aýrýhanaǵa 20 ese az túsetinin atap ótkim keledi», - dedi Jandarbek Bekshin.
