استانا قالاسىنداعى №2 قالالىق اۋرۋحانادا ەمدەلۋشٸ «قۇقىعىنىڭ تاپتالعانىن» ايتىپ Facebook پاراقشاسىندا جازبا قالدىرىپتى. قۇلاعىنا وپەراتسييا جاساتىپ, كەيٸن پالاتاعا اۋىستىرىلعان مۇقاعالي بالقىباەۆ اۋرۋحانا ٸشٸندە مەملەكەتتٸك تٸلدٸڭ قورلانعانىن ايتىپ, اشىنىپ وتىر. تٸپتٸ قىزمەتكەرلەردەن قازاق تٸلٸندە سٶيلەۋٸن تالاپ ەتكەنٸ ٷشٸن تولىق ەمدەلمەي جاتىپ اۋرۋحانادان شىعىپ قالۋى مٷمكٸن ەكەن. Qamshy.kz اقپارات اگەنتتٸگٸ ەمدەلۋشٸمەن تٸلدەسٸپ, ٸستٸڭ مەن-جايىن انىقتاپتى.
ايتۋىنشا, 27 تامىز قۇلاعىنا وپەراتسييا جاساتىپ, سول كٷنٸ كەشكە «وتولارينگولوگييا» بٶلٸمشەسٸنٸڭ 9-پالاتاسىنا جاتقىزىلعان. 28 تامىز مەملەكەتتٸك تٸلدٸ قورعايمىن دەپ ٶز دەرٸگەرٸنەن دٶرەكٸ سٶز ەستٸگەن.
«تاڭەرتەڭ پالاتامىزعا تازالىق قاداعالاۋشىسى كەلٸپ, ورىس تٸلٸندە بٸرنەرسە ايتتى. مەن ورىسشا تٷسٸنبەيتٸنٸمدٸ ايتىپ, مەملەكەتتٸك تٸلدە سٶيلەۋٸن تالاپ ەتتٸم. وعان تولىق قۇقىعىم بار دەپ ويلايمىن. بٸراق ەلگٸ ەيەل ٶزٸمە تاپ بەردٸ. قازاق تٸلٸندە سٶيلەمەيتٸنٸن ايتىپ, دەرٸگەرٸمە شاعىمدانىپتى. بٸراز ۋاقىتتان كەيٸن پالاتاعا اسحات نيكولايۇلى كەلدٸ. قازاق كٸسٸ ەدٸ. مەنٸ قولداپ, ەڭ بولماعاندا كەشٸرٸم سۇرار دەپ ويلادىم. قييالىم ەكەن. «ساعان كٸم قانداي تٸلدە سٶيلەسە, سەن دە سول تٸلدە جاۋاپ بەرۋگە تيٸسسٸڭ. ەلباسىمىز ٷش تٸلدە سٶيلەۋ كەرەك دەپ ەسكەرتتٸ. قىزمەتكەرلەردەن قازاق تٸلٸندە سٶيلەۋٸن تالاپ ەتە المايسىڭ!» دەپ ادۋىندى سٶيلەي باستادى. بٸراق كٶنبەسٸمدٸ بايقاپ اۋرۋحانادان شىعارىپ جٸبەرەمٸن دەپ قوقان-لوققى كٶرسەتتٸ. تٸپتٸ شىعارۋ انىقتامالارىن دا ورىس تٸلٸندە جازىپ بەرەتٸنٸن ايتتى. مەملەكەتتٸك تٸلدە سٶيلەۋ بىلاي تۇرسىن, ونى قۇرمەتتەمەيتٸندەردٸ قالايشا جۇمىسقا الادى?», - دەپ اشۋعا بۋلىقتى مۇقاعالي.
بۇعان قوسا, ەمدەلۋشٸنٸڭ سٶزٸنە سەنسەك, اۋرۋحانانىڭ ٸشٸندە ٶزٸڭدٸ رەسەيدٸڭ بٸر قالاسىندا جٷرگەندەي سەزٸنەسٸڭ. سەبەبٸ پالاتا ەسٸكتەرٸندەگٸ جازۋلار تٷگەلدەي دەرلٸك تەك ورىس تٸلٸندە جازىلعان. كٷيٸنگەن قازاق بۇل جاعدايعا اراشا تٷسەتٸن نامىسشىل باۋىرلارعا ٷندەۋ سالدى.
ال بٷگٸن ودان سوراقىسى ورىن العان كٶرٸنەدٸ. ناۋقاستارعا تاڭعى استارىن ەكەلگەن قىزمەتشٸ دە مەملەكەتتٸك تٸلدەن ماقۇرىم بولىپ شىقتى. ول دا قازاق تٸلدە سٶيلەۋٸن تالاپ ەتكەن ەمدەلۋشٸگە دٶرەكٸ جاۋاپ قايتاردى. تاڭعى اسىن ۋعا تەڭەگەن مۇقاعالي قازاق باۋىرلارىنان كٶمەك سۇراپ وتىر.
بولعان جاعداي جەلٸ قولدانۋشىلارى اراسىندا رەزونانس تۋدىردى. بٸرٸ قازاقتاردى باسىنعان ورىس تٸلدٸلەرگە دەگەن اشۋىن بٸلدٸرسە, ەندٸ ٶزگەسٸ زاڭدا ناقتىلىق جوق دەپ كونستيتۋتسييانى رەتتەۋ كەرەكتٸگٸن ايتىپ, جار سالدى.
