فوتو: primeminister.kz
كەشە استاناعا اۋعانستاننىڭ ٶنەركەسٸپ جەنە ساۋدا مينيسترٸ نۋريددين ازيزي باستاعان 210 ادامنان تۇراتىن بيزنەس-دەلەگاتسييا كەلدٸ, دەپ حابارلايدى primeminister.kz سايتى.
دەلەگاتسييانى ەۋەجايدا قر پرەمەر-مينيستردٸڭ ورىنباسارى – ساۋدا جەنە ينتەگراتسييا مينيسترٸ سەرٸك جۇمانعارين كٷتٸپ الدى.
قوناقتار قاتارىندا اۋعانستاننىڭ ورتالىق بانكٸنٸڭ باسشىلارى, ٸرٸ جەكە مەنشٸك بانكتەردٸڭ, «دا افگانيستان برەشنا شەركات» (DABS) ەنەرگەتيكالىق كومپانيياسىنىڭ, «افگان تەلەكوم» (AfTel) تەلەكومۋنيكاتسييالىق كومپانيياسىنىڭ, اۋىل شارۋاشىلىعى ٶنٸمدەرٸ مەن مال شارۋاشىلىعى پالاتاسىنىڭ, ساۋدا-ينۆەستيتسييالىق پالاتاسىنىڭ, سونداي-اق اۋىل شارۋاشىلىعى, فارماتسەۆتيكا, ٶنەركەسٸپ, كٶلٸك-لوگيستيكا, ينجەنەرلٸك, توقىما جەنە باسقا كومپانييالاردىڭ ٶكٸلدەرٸ بار.
2 تامىزدا قازاقستان جەنە اۋعانستان كومپانييالارىنىڭ پرەزەنتاتسييالارى, B2B كەلٸسسٶزدەرٸ ٶتەدٸ. 3 تامىزدا بيزنەس-فورۋم جۇمىسىن باستايدى, ال 4 تامىزدا ەلوردا تۇرعىندارى مەن قوناقتارىنا اۋعان تاۋارلارىنىڭ كٶرمەسٸ (EXPO, كونگرەسس-ورتالىق) اشىلادى. كٶرمەدە اۋعانستاننان تٷرلٸ ازىق-تٷلٸك, مىس ىدىستار, مەرمەر, كٸلەمدەر, زەرگەرلٸك بۇيىمدار جەنە باسقا دا كٶپتەگەن تاۋارلار ۇسىنىلادى.
ايتا كەتەيٸك, قازاقستان مەن اۋعانستان اراسىنداعى تاۋار اينالىمى 2022 جىلى $987,9 ملن بولدى, بۇل ٶتكەن جىلدىڭ سەيكەس كەزەڭٸمەن سالىستىرعاندا 2,1 ەسە جوعارى ($474,3 ملن). وسى ورايدا كٶرسەتكٸشتٸڭ شامامەن 90%-ى قازاقستاندىق ەكسپورتقا, نەگٸزٸنەن ٶڭدەلگەن ٶنٸمگە تيەسٸلٸ. 2023 جىلدىڭ 5 ايىندا ەكٸ ەل اراسىنداعى ساۋدا-ساتتىق $316,6 ملن بولدى, ونىڭ $310 ملن-ى قازاقستاندىق ەكسپورتقا تيەسٸلٸ.
قازاقستاننىڭ اۋعانستانعا ازىق-تٷلٸك, مۇناي-حيمييا, حيمييا, مەتاللۋرگييا, جەڭٸل, ماشينا جاساۋ سالالارىندا جالپى $500 ملن-نان استام سوماعا ەكسپورت جاساۋ ەلەۋەتٸ بار.
