اۋعانستاننان بۇۇ قىزمەتكەرلەرٸ مٸنگەن ەكٸنشٸ رەيس قازاقستانعا كەلدٸ. بۇل تۋرالى قازاقستانداعى بۇۇ باسپاسٶز قىزمەتٸ مەلٸم ەتتٸ, - دەپ حابارلايدى "ۇلت اقپارات".
"كەشە بۇۇ قىزمەتكەرلەرٸ مٸنگەن ەكٸنشٸ رەيس كەلدٸ. بورتتا 108 ادام بار. بارلىق ورنالاستىرۋ مەلٸمەتٸ بۇعان دەيٸن باسپاسٶز بريفينگٸندە ايتىلعان اقپاراتپەن بٸردەي. ولاردىڭ قازاقستانعا كەلۋٸنە كەتكەن بارلىق شىعىن بۇۇ ەسەبٸنەن تٶلەنەدٸ", - دەدٸ بۇۇ باسپاسٶز قىزمەتٸندەگٸلەر.
قازٸر بارلىق جولاۋشى كارانتيندە, سونداي-اق ولار پتر تەست تاپسىرعان. قازٸر تەست نەتيجەسٸن كٷتٸپ وتىر. ايتا كەتۋ كەرەك, قىزمەتكەردٸڭ بەرٸ ۆاكتسيناتسييالانعان.
ايتا كەتەيٸك, 18 تامىزدا UNAMA قىزمەتكەرلەرٸ بار العاشقى بورت الماتى ەۋەجايىنا قونعانى حابارلانعان بولاتىن. كەلگەن قىزمەتكەرلەر حالىقارالىق ديپلومات, بۇۇ پاسپورتى مەن يممۋنيتەتٸ يەگەرٸ.
