Aýǵanstannan BUU qyzmetkerleri mingen ekinshi reis Qazaqstanǵa keldi. Bul týraly Qazaqstandaǵy BUU baspasóz qyzmeti málim etti, - dep habarlaidy "Ult aqparat".
"Keshe BUU qyzmetkerleri mingen ekinshi reis keldi. Bortta 108 adam bar. Barlyq ornalastyrý málimeti buǵan deiin baspasóz brifinginde aitylǵan aqparatpen birdei. Olardyń Qazaqstanǵa kelýine ketken barlyq shyǵyn BUU esebinen tólenedi", - dedi BUU baspasóz qyzmetindegiler.
Qazir barlyq jolaýshy karantinde, sondai-aq olar PTR test tapsyrǵan. Qazir test nátijesin kútip otyr. Aita ketý kerek, qyzmetkerdiń bári vaktsinatsiialanǵan.
Aita keteiik, 18 tamyzda UNAMA qyzmetkerleri bar alǵashqy bort Almaty áýejaiyna qonǵany habarlanǵan bolatyn. Kelgen qyzmetkerler halyqaralyq diplomat, BUU pasporty men immýniteti iegeri.
