اۋعانستاندى تەڭدەسسٸز قيىندىقتارمەن جالعىز قالدىرماۋىمىز قاجەت. بۇل تۋرالى تمد ۇيىمىنا مٷشە مەملەكەتتەر باسشىلارى كەڭەسٸنٸڭ كەزەكتٸ وتىرىسىندا قازاقستان پرەزيدەنتٸ قاسىم-جومارت توقاەۆ ايتتى, دەپ حابارلايدى قازاقپارات.
«قازٸرگٸ زامان بولمىسى تمد-نىڭ قاۋٸپسٸزدٸك سالاسىنداعى ىنتىماقتاستىق تەتٸكتەرٸن جەتٸلدٸرۋدٸ تالاپ ەتەدٸ. بۇل سالاداعى بٸزدٸڭ ٶزارا ٸس-قيمىلىمىزدىڭ نەگٸزگٸ كونتۋراسى ەسكەري ىنتىماقتاستىق تۇجىرىمداماسىندا, سونىمەن قاتار 2025 جىلعا دەيٸن سىرتقى شەكارانىڭ شەكارالىق قاۋٸپسٸزدٸگٸن نىعايتۋ باعدارلاماسىندا بەلگٸلەنگەن. بۇعان قوسا, جٷرگٸزٸلەر جۇمىستا تەرروريزم, دٸني ەكسترەميزم, ەسٸرتكٸ ساۋداسىنان تۋىندايتىن سىن-قاتەرلەرگە بٸرلەسٸپ قارسى تۇرۋ مەسەلەلەرٸنە ەرەكشە باسىمدىق بەرۋ قاجەت. بۇل سىن-قاتەرلەر اۋعانستاندا ورىن العان جاعدايعا بايلانىستى بٸرٸنشٸ كەزەكتٸ مەنگە يە بولىپ وتىر», - دەدٸ قاسىم-جومارت توقاەۆ.
قر پرەزيدەنتٸنٸڭ اتاپ ٶتۋٸنشە, قازاقستان اۋعان مەسەلەسٸندە بۇۇ ۇستانىمىن قولدايدى.
بۇل ەلدەگٸ كٷردەلٸ گۋمانيتارلىق جاعداي بٷكٸل ەلەمدٸك قوعامداستىقتىڭ نازارىندا بولۋى تيٸس. بٸزدٸڭ ساياسي كٶزقاراسىمىز بەن جەكە نانىم-سەنٸمٸمٸز قانداي بولسا دا, اۋعانستاندى تەڭدەسسٸز قيىندىقتارمەن جالعىز قالدىرماۋىمىز قاجەت. بۇل ٸستەگٸ ناقتى ٷلەس اۋعان حالقىنا گۋمانيتارلىق كٶمەك بولماق. قازاقستان قازٸردٸڭ ٶزٸندە ازىق-تٷلٸك پەن بٸرٸنشٸ قاجەتتٸ تاۋارلاردى جەتكٸزۋگە كٸرٸسٸپ كەتتٸ. بۇل جۇمىستى جٷيەلەۋ ٷشٸن اۋعانستانعا حالىقارالىق كٶمەك كٶرسەتۋ جٶنٸندەگٸ لوگيستيكالىق حاب قۇرۋدى ۇسىنامىز. اۋعانستانعا داعدارىستىڭ ٶتكٸر كەزەڭٸن ەڭسەرگەننەن كەيٸن دە بۇۇ ينستيتۋتتارى تاراپىنان مۇنان ارعى دا جٷيەلٸ قولداۋدىڭ قاجەت بولاتىندىعى سٶزسٸز. وسىناۋ ماڭىزدى مٸندەتكە بٸز ۇسىنىپ وتىرعان الماتىدا بۇۇ-نىڭ ٶڭٸرلٸك ورتالىعىن قۇرۋ تۋرالى باستاما جاۋاپ بەرە الادى. دوستاستىق ەلدەرٸنٸڭ وسى جوسپارلاردىڭ جٷزەگە اسىرىلۋىنا جەردەم بەرەتٸندٸگٸنە ٷمٸتتەنەمٸز», - دەدٸ مەملەكەت باسشىسى.
