جۇما كٷنٸ اۋعانستاننىڭ سولتٷستٸگٸندە قۇندىز پروۆينتسيياسىنداعى سەيد-اباد شەيٸتتەر مەشٸتٸندە قۋاتتى جارىلىس بولىپ, سالدارىنان 100 ادام قازا تاپتى جەنە ونداعانى جاراقات الدى. بۇل تۋرالى قازاقپارات تاسس-قا سٸلتەمە جاساپ حابارلايدى.
Aamaj News اقپارات اگەنتتٸگٸنٸڭ مەلٸمەتٸنشە, شابۋىل جەرگٸلٸكتٸ ۋاقىتپەن ساعات 13:30-دا جۇما نامازعا ادامدار جينالعاندا جاسالعان. الدىن الا مەلٸمەتكە سەيكەس, جانكەشتٸ لاڭكەس مەشٸتتٸڭ ٸشٸندە جارىلعىش زاتتى ٸسكە قوسقان. Ariana News تەلەارناسىنىڭ اقپاراتىنا سەيكەس, جەرگٸلٸكتٸ مەيٸتحاناعا كەم دەگەندە 50 ادامنىڭ دەنەسٸ جەتكٸزٸلگەن.
جارىلىس تۋرالى حابارلامانى ەلدەگٸ بيلٸكتٸ جاۋلاپ العان «تاليبان» راديكالدى قوزعالىسىنىڭ ٶكٸلٸ جەنە ۋاقىتشا اۋعان ٷكٸمەتٸندەگٸ اقپارات جەنە مەدەنيەت مينيسترٸنٸڭ ورىنباسارى زابيحۋللا مۋدجاحيد راستادى.
«بٷگٸن كٷندٸز قۇندىز پروۆينتسيياسىندا بٸزدٸڭ وتانداستارىمىز-شەيٸتتەردٸڭ مەشٸتٸندە جارىلىس بولىپ, سالدارىنان ادامدار قازا تاۋىپ, جاراقات الدى. ارنايى جاساق وقيعا ورنىنا بارىپ, تەرگەپ جاتىر», - دەدٸ ول Twitter-دەگٸ پاراقشاسىندا.
ٶز كەزەگٸندە, مەدەنيەت جٶنٸندەگٸ «تاليبان» كوميسسيياسىنىڭ مٷشەسٸ موحامماد دجالال وسى ەلەۋمەتتٸك جەلٸدە تەراكتٸ «يسلام مەملەكەتٸ» ەكسترەميستٸك ۇيىمىنىڭ تارماعى «حوراسانداعى يسلام مەملەكەتٸ» توبىنىڭ سودىرلارى جاساعانىن حابارلادى.
