كابۋل قالاسىندا ەكٸ كانديدات اۋعانستان پرەزيدەنتٸ قىزمەتٸنە كٸرٸسكەنٸن بٸلدٸرەتٸن سالتاناتتى رەسٸمدٸ قاتار ٶتكٸزدٸ. قازٸرگٸ ٸس باسىنداعى مەملەكەت باسشىسى اشراف عاني پرەزيدەنت سارايىندا انت قابىلدادى. دەل سول ۋاقىتتا كٶرشٸلەس سارايدا ٶزٸن "پرەزيدەنت سايلاۋىندا جەڭدٸم" دەپ جارييالاعان پرەمەر-مينيستر ابدۋللا ابدۋللانىڭ سالتاناتتى ۇلىقتاۋ رەسٸمٸ ٶتتٸ.
اۋعانستانداعى پرەزيدەنت سايلاۋى 2019 جىلدىڭ 28 قىركٷيەگٸندە ٶتكەن. قورىتىندىسى بەس ايدان سوڭ, 2020 جىلدىڭ 18 اقپانىندا جارييالانعان. اۋعانستان سايلاۋ كوميسسيياسىنىڭ قورىتىندىسى اشراف عاني 50,64 پايىز داۋىسپەن جەڭدٸ دەپ كٶرسەتكەن. ونىڭ جەڭٸسٸن ەلەم قاۋىمداستىعى مويىنداعان.
ابدۋللا ابدۋللا 39,52 داۋىسپەن ەكٸنشٸ ورىنعا توقتادى. سايلاۋ قورىتىندىسىن مويىنداۋدان باس تارتقان ول ٶز ٷكٸمەتٸن قۇرۋدى جوسپارلاپ وتىر.
اۋعانستاندا قوس ٷكٸمەت "تاليبان" قوزعالىسىمەن كەلٸسسٶز قارساڭىندا پايدا بولعالى تۇر. "تاليبان" ٶكٸلدەرٸ 29 اقپاندا اقش-پەن بٸتٸمگە قول قويعان. بٸتٸم قۇجاتىندا حالىقارالىق كواليتسييا كٷشتەرٸنٸڭ اۋعانستاننان شىعارىلاتىنى كٶزدەلگەن. تەلٸپتەر ٶزدەرٸ باقىلايتىن اۋماقتا تەرروريستەردٸ پانالاتپاي, اۋعانستان ٷكٸمەتٸمەن كەلٸسە جۇمىس ٸستەۋگە مٸندەتتەنگەن.
NBC تەلەارناسى جوعارى لاۋازىمدى شەنەۋنٸكتەرگە سٸلتەي وتىرىپ, اقش بارلاۋ مەلٸمەتتەرٸ "تەلٸپتەردٸڭ بٸتٸم شارتىن ورىندامايتىنىن, شەتەل ەسكەرٸ اۋعان جەرٸنەن شىعىسىمەن ٷكٸمەت ەسكەرٸنە شابۋىل جاساۋى مٷمكٸن ەكەنٸن" حابارلادى. قازٸر تەلٸپتەر اۋعان جەرٸنٸڭ جارتىسىنا جۋىعىن باقىلاپ وتىر.
