"تاليبان" قارۋلى توبى ٶزدەرٸ باسىپ العان گەراتتاعى ٷكٸمەت عيماراتىنىڭ ماڭىندا جٷر. 13 تامىز 2021 جىل.
اۋعانستانداعى "تاليبان" راديكال قوزعالىسى كەڭ اۋقىمدى شابۋىلدارى بارىسىندا اۋعانستاننىڭ ٷش ٸرٸ قالاسى مەن بٸرقاتار ۋەلايات ورتالىقتارىن باسىپ الدى. ەندٸ تەلٸپتەر ەل استاناسى كابۋلعا قاۋٸپ تٶندٸرٸپ تۇر, دەپ جازادى ازاتتىق.
كەيٸنگٸ كٷندەرٸ "تاليبان" سودىرلارى ەلدٸڭ تۇرعىن حالىق سانى بويىنشا ەكٸنشٸ جەنە ٷشٸنشٸ ٸرٸ قالالارى سانالاتىن گەرات پەن قانداعاردى, سونداي-اق گيلمەند ۋەلاياتى ورتالىعى لەشكەرگاحتى باسىپ الدى. بۇعان قوسا 13 تامىزدا "تاليبان" قارۋلى قولى ەلدٸڭ وڭتٷستٸگٸندەگٸ زابۋل مەن ۋرۋزگان ۋەلاياتتارىنىڭ ورتالىعىن دا باقىلاۋىنا الىپ, باتىستاعى ايماق ورتالىعى گورعا دا بيلٸگٸن ورناتتى.
"تاليبان" كابۋلدان شامامەن 80 شاقىرىم جەردە ورنالاسقان ورتالىق لوگار ۋەلاياتىنىڭ ورتالىعى پۋلي-الام قالاسىن, وعان جاقىن ماڭداعى عازني قالاسىن باسىپ العان. تەلٸپتەردٸڭ قانداعار مەن گەراتتى الۋى مامىر ايىندا اقش باستاعان شەتەلدٸك كواليتسييا كٷشتەرٸ اۋعانستاننان كەتە باستاسىمەن كٸرٸسكەن كەڭ اۋقىمدى شابۋىلىن باستاعاننان بەرگٸ ۋاقىتتاعى ەڭ ٸرٸ جەڭٸسٸ سانالادى.
"تاليبان" قازٸر اۋعانستاننىڭ 34 ايماعىنىڭ ورتالىقتارىنىڭ جارتىسىن جەنە اۋىلدىق ايماقتاردىڭ ٷشتەن ەكٸ بٶلٸگٸنە ٷستەمدٸك ورناتقان. ال ەل ٷكٸمەتٸ قولىندا اۋعان استاناسى جەنە ەلدٸڭ ەر جەرٸندە ٶزارا بىتىراي قونىس تەپكەن دەۋگە كەلەتٸن, قورعانىس ەلەۋەتٸ وسال بٸرقاتار قالا عانا قالىپ وتىر. قازٸر باستى نازار كابۋلعا اۋىپ, جۇرتشىلىق بۇل قالانىڭ تاعدىرى نە بولار ەكەن دەپ الاڭداپ وتىر.
پەنتاگوننىڭ باسپاسٶز حاتشىسى دجون كيربي "تاليبان" قارۋلى جاساعى "كابۋلدى قورشاۋعا تىرىسىپ جاتقانىن", بٸراق قازٸرگٸ ۋاقىتتا قالا "قاۋٸپتٸ قۇرساۋعا تٷسپەگەنٸن" ايتتى.
