اۋعانستان اۋداندارىنىڭ باسىم بٶلٸگٸن باسىپ العان "تاليبان" كابۋل تٷبٸنە جەتكەندە اۋعانستان پرەزيدەنتٸ اشراف عاني ەلدەن كەتتٸ. مۇنى اۋعانستاننىڭ ۇلتتىق بٸتٸم جٶنٸندەگٸ جوعارى كەڭەسٸنٸڭ تٶراعاسى ابدۋللا ابدۋللا راستادى.
"ول ەلدٸ, حالىقتى قيىن-قىستاۋ كەزەڭدە قالدىرىپ كەتتٸ. قۇدايدىڭ الدىنا جاۋاپ بەرەر" دەدٸ ابدۋللا حالىققا ارنالعان ۆيدەو ٷندەۋٸندە اشراف عانيدٸ مەڭزەي وتىرىپ.
ابدۋللا ابدۋللا كابۋل تۇرعىندارىن دٷرلٸكپەۋگە شاقىردى. ول سونداي-اق تەلٸپتەردەن ساياسي مەسەلەلەر شەشٸلگەنشە قالاعا كٸرمەۋدٸ سۇراپ, مۇنىڭ بەيبٸت تۇرعىندار قاۋٸپسٸزدٸگٸ ٷشٸن قاجەت ەكەنٸن ايتتى.
"تاليبان" اۋعان استاناسىنا كٷشپەن كٸرمەيتٸنٸن ايتقان. وسى تۇستا تەلٸپتەر مەن اۋعان ٷكٸمەتٸ اراسىندا قالانى بەيبٸت جولمەن بەرۋ مەسەلەسٸ تالقىلانىپ جاتقانى حابارلانعان. بٸراق تەلٸپتەردٸڭ باسپاسٶز حاتشىسى كەيٸنٸرەك سودىرلارعا قالاعا كٸرۋ بۇيىرىلعانى, مۇنىڭ قالانى توناۋعا جول بەرمەۋ ٷشٸن قاجەت ەكەنٸن ايتتى.
"تاليبان" باسپاسٶز حاتشىسى زابيۋللا مۋجاحيد بۇل مەلٸمدەمەسٸن اشراف عاني ەلدەن كەتە سالا ايتتى.
يراندىق Tasnim اقپارات اگەنتتٸگٸنٸڭ مەلٸمەتٸنشە, اشراف عاني تەجٸكستانعا كەتكەن. تەجٸكستان بيلٸگٸ بۇل تۋرالى ەزٸرگە پٸكٸر بٸلدٸرمەدٸ.
باسپاسٶز حابارلارىنا قاراعاندا, كابۋل كٶشەلەرٸندە ابىرجۋ بايقالادى. تۇرعىنداردىڭ بٸر بٶلٸگٸ قالادان كەتۋدٸڭ قامىمەن جٷر. ٷكٸمەت قۇرىلىمدارىنىڭ قىزمەتكەرلەرٸ قاشىپ, ەكٸمشٸلٸك كەڭسەلەر, پوليتسييا ۋچاسكەلەرٸ, ەسكەر بٶلٸمدەرٸ جابىلىپ جاتىر. دٷكەندەر مەن بازارلار جۇمىسىن توقتاتتى.
15 تامىز كٷنٸ تاڭەرتەڭ تەلٸپتەر جالالاباد قالاسىن سوعىسسىز الدى. وسىدان كەيٸن كابۋل ٷكٸمەت باقىلاۋىنداعى جالعىز ٸرٸ قالا بولىپ قالدى. وسىدان كەيٸن تەلٸپتەردٸڭ قولىنا ۆارداك ۋەلاياتىنىڭ ورتالىعى مايدانشاحر قالاسى ٶتتٸ. ولار سونداي-اق باميان مەن نيلي قالالارىن دا الدى. تەلٸپتەردٸڭ ٶزٸ كابۋل تٷبٸندەگٸ باگرام ەۋە بازاسىن, تٷرمەنٸ باسىپ العانىن مەلٸمدەدٸ. وسىعان دەيٸن "تاليبان" مازاري-شاريفتٸ ٶز باقىلاۋىنا العان. وسىلايشا تەلٸپتەر اۋعانستانداعى 34 ۋەلاياتتىڭ باسىم بٶلٸگٸنە بيلٸگٸن ورناتتى.
تەلٸپتەردٸڭ اۋعان اۋداندارىن ٷلكەن كٷشپەن جاۋلاپ الۋى 1 مامىردا اقش باستاعان حالىقارالىق كواليتسييا ەلدەن شىعۋعا كٸرٸسكەندە باستالدى. باتىس كٷشتەرٸ ەلدەن وسى ايدىڭ سوڭىنا دەيٸن تولىق كەتۋٸ كەرەك بولعان.
اقش پرەزيدەنتٸ دجو بايدەن ەسكەردٸ ەكەتۋ تۋرالى شەشٸمٸن دۇرىس ەكەنٸن قايتا مەلٸمدەدٸ. ول اۋعانستاندا اقش ەسكەرٸن ۇستاۋعا ەشقانداي نەگٸز جوعىن ايتتى.
