مۇحتار ەۋەزوۆ اتىنداعى قازاق مەملەكەتتٸك اكادەمييالىق دراما تەاتر ديرەكتورى ەرلان بٸلەل 1 250 000 تەڭگە كەپٸلمەن بوساتىلدى, - دەپ حابارلايدى Tengrinews.kz تٸلشٸسٸ.
"2018 جىلدىڭ 9 قاڭتارىندا الماتى قالاسىنىڭ مەدەۋ اۋداندىق №2 سوتىنىڭ تەرگەۋ سۋدياسى مۇحتار ەۋەزوۆ اتىنداعى قازاق مەملەكەتتٸك اكادەمييالىق دراما تەاتر ديرەكتورىنا قاتىستى بۇلتارتپاۋ شاراسى رەتٸندە كەپٸلگە الۋ تۋرالى شەشٸم شىعاردى. 1 ميلليون 250 مىڭ تەڭگە كٶلەمٸندە كەپٸل تٶلەندٸ", - دەپ حابارلادى الماتى قالالىق سوتىنداعىلار.
"سوتقا دەيٸنگٸ تەرگەۋ ورگاندارىنىڭ مەلٸمەتٸنشە, ەرلان بٸلەل "سەزام" قوعام قايىرىمدىلىق-شىعارماشىلىق قورىنىڭ جەتەكشٸسٸنەن 2017 جىلدىڭ 23 جەلتوقسانىنان 2018 جىلدىڭ 7 قاڭتارى ارالىعىندا بٸرلەسكەن تەاتر قويىلىمدارى جايلى قۇجاتقا قول قويدىرۋ ٷشٸن 900 مىڭ تەڭگە كٶلەمٸندە پارا الدى دەگەن كٷدٸككە ٸلٸندٸ", - دەپ حابارلادى الماتى قالالىق سوتىنىڭ باسپاسٶز قىزمەتٸندەگٸلەر.
ەسكە سالا كەتەيٸك, قر ەڭبەك سٸڭٸرگەن قايراتكەرٸ ەرلان بٸلەل 5 قاڭتاردا 1,5 ميلليون تەڭگە پارامەن ۇستالعان بولاتىن. "مۇحتار ەۋەزوۆ اتىنداعى قازاق مەملەكەتتٸك اكادەمييالىق دراما تەاترىنىڭ ديرەكتورى الماتىدا جاڭا جىل كەزٸندە بالالارعا قويىلىم قويۋ ماقساتىندا تەاتردان ورىن بەرۋ ٷشٸن زاڭدى تۇلعادان 1,5 ميلليون تەڭگە پارا الدى دەگەن كٷدٸككە ٸلٸندٸ. كٸنەسٸن تولىق مويىنداۋىنا بايلانىستى ول قاماۋعا الىنعان جوق. سوتقا دەيٸنگٸ تەرگەۋ شارالارى جٷرٸپ جاتىر", - دەپ حابارلاعان ەدٸ قر مەملەكەتتٸك قىزمەت ٸستەرٸ جەنە سىبايلاس جەمقورلىققا قارسى ٸس-قيمىل اگەنتتٸگٸنٸڭ رەسمي ٶكٸلٸ نۇرلان جاحين.
ال 9 قاڭتاردا ەۋەزوۆ تەاترى ديرەكتورى مٸندەتٸن اتقارۋشى تاعايىندالعان بولاتىن.
"قازاقستان رەسپۋبليكاسى مەدەنيەت جەنە سپورت مينيسترلٸگٸنٸڭ "مۇحتار ەۋەزوۆ اتىنداعى قازاق مەملەكەتتٸك اكادەمييالىق دراما تەاترى" رەسپۋبليكالىق مەملەكەتتٸك قازىنالىق كەسٸپورنىنىڭ ديرەكتورى بٸلەلوۆ ەرلان ەبدٸلداۇلى 2018 جىلدىڭ 4 قاڭتارىندا ٸستٸڭ مەن-جايى انىقتالعانشا قىزمەتٸنەن شەتتەتٸلدٸ. شەتتەتٸلگەن ۋاقىتتا مٸندەتتٸ ديرەكتوردىڭ شىعارماشىلىق ٸس بويىنشا ورىنباسارى جانداربەك الايدارۇلى اتقارادى", - دەلٸنگەن ەدٸ مينيسترلٸك حابارلاماسىندا.
