ەسكالاتور. كٶرنەكٸ فوتو: pexels.com
اقتاۋ ەۋەجايى ەسكالاتوردا جاراقات العان ٷش جاسار قىزعا 2 ملن تەڭگە تٶلەۋگە مٸندەتتەلدٸ, دەپ حابارلايدى Ult.kz جوعارعى سوتتىڭ رەسمي پاراقشاسىنا سٸلتەمە جاساپ.
بۇل وقيعا بىلتىر جازدا بولعان. ەلوردانىڭ تۇرعىنى كەمەلەتكە تولماعان ەكٸ بالاسىمەن استانادان اقتاۋعا ۇشىپ بارعان. جولاۋشىلار تەرمينالىنان شىققاننان كەيٸن بالالاردىڭ بٸرەۋٸ – ەكٸ جاسار قىز شىعۋ ەسٸكتەرٸ ارقىلى ەۋەجايعا جالعىز ٶزٸ قايتا كٸرٸپ, ەسكالاتورعا جٷگٸرٸپ بارعان. سول جەردە قولىن قوزعالاتىن مەحانيزمگە قويعاندا ساۋساعىن جاراقاتتاپ العان. ەندٸ 10 جاسقا تولعاندا ساۋساقتى تٷزەتۋ وتاسىن جاساۋعا تۋرا كەلەدٸ.
جەبٸرلەنۋشٸنٸڭ اناسى سوتقا ارىز تٷسٸرٸپ, مورالدىق شىعىندى ەۋەجايدان ٶتەۋدٸ سۇراپ تالاپ ەتتٸ. ال ەۋەجايدىڭ ٶكٸلٸ جازاتايىم وقيعا ەۋەجاي قىزمەتكەرلەرٸنٸڭ كٸنەسٸنەن ەمەس, بالانىڭ ەسكالاتورعا ٶز بەتٸنشە جاقىنداعانىنان بولدى دەپ وتىر.
"الايدا سوتتا قارالعان بەينەماتەريالداردا ەۋەجاي ينسپەكتورىنىڭ عيماراتقا شىعۋ ەسٸكتەرٸ ارقىلى كٸرگەن بالانىڭ قولىن ۇستاعانى, بٸراق ونىڭ سوڭىنان ٸلەسپەك بولعان اناسىنىڭ كٶڭٸلٸن اۋلاپ, ونى بوساتقانى انىقتالعان. ينسپەكتور ەيەلدٸ ەۋەجاي عيماراتىنا كٸرگٸزبەي, بالانى قاراۋسىز قالدىرعان, قىز بالا ەسكالاتورمەن كٶتەرٸلٸپ, سول جەردە جاراقات العان", - دەلٸنگەن سوت ٷكٸمٸندە.
وسىلايشا, ەۋەجاي قىزمەتكەرلەرٸ كٸشكەنتاي بٷلدٸرشٸننٸڭ تەرمينال عيماراتىنا ٷلكەندەردٸڭ ەرتٸپ جٷرۋٸنسٸز كٸرۋٸنە جول بەرگەن.
سوت ٷكٸمٸمەن اقتاۋ ەۋەجايى ەسكالاتوردا جاراقات العان ٷش جاسار قىزعا 2 ملن تەڭگە تٶلەۋگە مٸندەتتەلدٸ. شەشٸم زاڭدى كٷشٸنە ەندٸ.
