سوڭعى كٷندەرٸ اۋا رايىنىڭ قولايسىزدىعى سالدارىنان ەلٸمٸزدٸڭ 8 وبلىسىندا 289 ەلدٸمەكەن ەلەكتر جارىعىنسىز قالدى. بۇل تۋرالى قر تٶتەنشە جاعدايلار مينيسترٸ يۋريي يلين مەلٸم ەتتٸ, دەپ حابارلايدى قازاقپارات.
«بيىل 29-30 ناۋرىز كٷندەرٸ رەسپۋبليكانىڭ 7 وبلىسى مەن 2 قالاسىندا قاتتى جەلدٸڭ سالدارىنان بٸرنەشە نىسان شاتىرىنىڭ ۇشۋى (297 جاعداي) تٸركەلدٸ. ولاردىڭ قاتارىندا بٸلٸم بەرۋ, دەنساۋلىق ساقتاۋ, تۇرعىن ٷيلەر, جەرگٸلٸكتٸ بيلٸك جەنە قۇقىق قورعاۋ ورگاندارى مەن تاعى باسقا نىساندار بار. تٶتەنشە جاعداي سالدارىنان 8 ادام, ونىڭ ٸشٸندە 3 بالا زارداپ شەكتٸ. ولاردىڭ 4-ٸ اۋرۋحاناعا جاتقىزىلىپ, قالعانى تەكسەرۋدەن سوڭ ٷيلەرٸنە جٸبەرٸلدٸ», - دەدٸ يۋريي يلين وكق-دە ٶتكەن بريفينگتە.
مينيستردٸڭ ايتۋىنشا, قولايسىز اۋا رايىنىڭ سالدارىنان بٸرنەشە ٶڭٸر تۇرعىندارى ۋاقىتشا قيىندىققا تاپ بولدى.
«8 وبلىستىڭ 289 ەلدٸمەكەنٸندە اۋا رايى قولايسىزدىعىنان بولعان اپات سالدارىنان ەلەكتر جارىعى ٶشٸپ قالدى. بارلىعى 110 387 ابونەنت ەلەكتر جارىعىنسىز قالدى. اتاپ ايتقاندا اقمولا وبلىسى– 87, قاراعاندى وبلىسى– 25, الماتى وبلىسى – 83, اتىراۋ وبلىسى – 10, پاۆلودار وبلىسى– 70, سقو – 12, اقتٶبە وبلىسى – 1 جەنە جامبىل وبلىسى – 1. بٷگٸن ساعات 11.00-دەگٸ جاعداي بويىنشا 275 ەلدٸمەكەندە ەلەكتر جارىعى قالپىنا كەلتٸرٸلدٸ. دەگەنمەن 3 وبلىستاعى 14 ەلدٸمەكەندە 12 709 ابونەنت ەلٸ دە بولسا ەلەكتر جەلٸسٸنە قوسىلماعان», - دەيدٸ ول.
