انتالييا–ەكاتەرينبۋرگ باعىتىمەن ۇشىپ بارا جاتقان «اەروفلوت» ۇشاعى جولاۋشىنىڭ جاعدايى كٷرت ناشارلاۋىنا بايلانىستى اتىراۋ ەۋەجايىنا شۇعىل قوندى. الايدا 41 جاستاعى ەر ادامدى قۇتقارۋ مٷمكٸن بولمادى, دەپ حابارلايدى ult.kz.
اتىراۋ ەۋەجايىنىڭ مەديتسينالىق قىزمەت باسشىسى بولات قاليەۆتٸڭ ايتۋىنشا, 25 تامىز ساعات 22:50-دە ەۋەجايدىڭ ورتالىق ديسپەتچەرلٸك قىزمەتٸنە ۇشاقتىڭ شۇعىل قوناتىنى تۋرالى حابار تٷسكەن.
ۇشاق قونعانعا دەيٸن ەۋەجايعا رەانيماتسييالىق جەدەل جەردەم بريگاداسى شاقىرىلعان. دەرٸگەرلەر بورتقا كٶتەرٸلٸپ, كلينيكالىق ٶلٸم جاعدايىنداعى جولاۋشىعا شۇعىل مەديتسينالىق كٶمەك كٶرسەتكەن.
ماماندار دەفيبريللياتور قولدانىپ, جٷرەك-ٶكپە رەانيماتسيياسىن جەنە باسقا دا قاجەتتٸ شارالاردى جٷرگٸزگەن. الايدا جولاۋشىنىڭ ٶمٸرٸن ساقتاپ قالۋ مٷمكٸن بولماعان.
كٶلٸكتەگٸ پوليتسييا اتالعان فاكتٸنٸ 25 تامىزدا تٸركەپ, وقيعانىڭ مەن-جايىن انىقتاۋ ٷشٸن تەكسەرۋ جۇمىستارىن باستاعان.
«ٶلٸمنٸڭ الدىن الا سەبەبٸ – جەدەل جٷرەك جەتكٸلٸكسٸزدٸگٸ», – دەپ حابارلادى پوليتسييا.
مارقۇمنىڭ دەنەسٸ ۇشاقتان تٷسٸرٸلٸپ, ونىمەن بٸرگە بولعان ەيەل اتىراۋدا قالعان. قالعان جولاۋشىلار وتىرعان ۇشاق ەكاتەرينبۋرگكە قاراي باعىت العان.
