اتىراۋداعى اتىستان جاراقات الىپ, اۋرۋحاناعا تٷسكەن جٸگٸتكە وپەراتسييا جاسالدى. بٸراق, ناۋقاس ەلٸ ەسٸن جيعان جوق, كومادا جاتىر, دەپ حابارلايدى قازاقپارات.
بۇعان دەيٸن اتىراۋدا اتىستان ٷش ادام مەرت بولىپ, بٸرەۋٸ اۋرۋحاناعا تٷسكەنٸن, كٷدٸكتٸنٸڭ قاماۋعا الىنعانىن جازعان بولاتىنبىز.
وبلىستىق پوليتسييا دەپارتامەنتٸ باسپاسٶز قىزمەتٸنٸڭ اقپاراتىنا سٷيەنسەك, اتىس كەشە, 15 ناۋرىزدا ساعات 22:10 شاماسىندا بولعان. اتىراۋ قالاسىنىڭ «اۆانگارد-3» شاعىناۋدانىنداعى ايالدامادا تاپانشادان اتىلعان وقتان 27 جەنە 23 جاستاعى ەكٸ جٸگٸت قازا تاپقان. كەيٸننەن 27 جاستاعى تاعى بٸر جٸگٸتتٸڭ مەرت بولعانى انىقتالدى.
ال, ساعات 22:50-دە وبلىستىق اۋرۋحاناعا 1995 جىلعى ازامات اۋىر جاعدايدا تٷسكەن.
«ول – اتىراۋ قالاسىنىڭ ماڭىنداعى ەركٸنقالا ەلدٸ مەكەنٸنٸڭ تۇرعىنى. وقتان ناۋقاستىڭ باس سٷيەگٸنٸڭ سول جاق بٶلٸگٸ, ميى جاراقاتتانعان. بەت سٷيەگٸ جىرىلعان. دەرٸگەرلەر ناۋقاستىڭ باسىنا وتا جاسادى. ناۋقاستىڭ وتادان كەيٸنگٸ جاعدايى ەلٸ اۋىر. ەلٸ كومادا جاتىر. قازٸر وبلىستىق اۋرۋحانانىڭ جانساقتاۋ بٶلٸمشەسٸندە دەرٸگەرلەردٸڭ جٸتٸ قاداعالاۋىنا الىندى», - دەپ حابارلادى وبلىستىق دەنساۋلىق ساقتاۋ باسقارماسىنىڭ باسپاسٶز قىزمەتٸ.
