ونىڭ ايتۋىنشا, ماريحۋانا تەرٸزدەس شٶپتٸڭ تەمەكٸ ٸشٸنە سالىنعان 2 داناسىن كٶشەدەن تاۋىپ الىپ ونى, جولداستارىنا كٶرسەتكەن. ونىڭ ٸشٸندە جاقىن دوسى دا بولعان. دوسى ەسٸرتكٸنٸڭ بٸر داناسىن سۇراپ الىپ, ونى پوليتسەيلەرگە تاپسىرىپ, نەگە ەكەنٸ بەلگٸسٸز ەسٸرتكٸنٸ دوسىنان ساتىپ العانىن ايتقان.
"وسىنىڭ بەرٸن الدىن الا ۇيىمداستىرعانىن كەيٸن تٷسٸندٸم, سەبەبٸ مەن وعان ەسٸرتكٸ تاۋىپ العانىمدى ايتقان ەدٸم. بۇل جەردە دوسىم مەنەن بٸر داناسىن الىپ, ال پوليتسەيلەرگە 2 دانا قىلىپ تاپسىرعان. ونى كەيٸن ماعان بايقاتپاي تٷسٸرگەن بەينەجازباسىنان دا كٶردٸك. نەگە ەكەنٸ بەلگٸسٸز, دوسىم "ەكٸ داناسىن ساتىپ الدىم" دەپ, ماعان ناقاق جالا جاۋىپتى. بۇل جەردە جولداسىمنىڭ بۇرىن ەسٸرتكٸمەن ۇستالعانىن بٸلەتٸن پوليتسەيلەر ونى ماعان ەدەيٸ جٸبەرگەن دەپ ويلايمىن.
ول مەنٸڭ بالا كٷنگٸ دوسىم ەدٸ, ٶزٸ كٸرگەن لاس ٸسكە مەنٸ دە قاتىستى قىلىپ شىعارادى دەگەن وي ٷش ۇيىقتاسام دا تٷسٸمە كٸرمەپتٸ. دوسىمنىڭ ساتقىندىعى جازىقسىز تەمٸر تورعا قامالىپ, تار قاپاس تٷرمەنٸ كٶرۋٸمە سەبەپ بولدى, وندا كٸنەسٸز وتىرۋدىڭ ٶزٸ دەنساۋلىعىما ەسەر ەتٸپ, كٷيزەلٸسكە ۇشىرادىم", - دەيدٸ ول.
اتىراۋ وبلىسىنىڭ ادۆوكاتتار القاسىنىڭ مٷشەسٸ جاندوس بيسەنوۆ قورعاۋىنداعى ادامنىڭ بۇل ٸسكە ەشقانداي قاتىسى جوعىن ايتادى.
"قىلمىستىق ٸسپەن تانىسقاندا, قورعاۋىمداعى ازاماتتىڭ جازىقسىز ەكەنٸن انىق بايقادىم. قاي نەرسەنٸ بولماسىن ساۋدالاۋ ٷشٸن ساتۋ مەن ساتىپ الۋ رەسٸمٸ, ياعني, بەلگٸلٸ بٸر تاۋاردىڭ باعاسى, ساتىپ الۋشى مەن ساتۋشىنىڭ تالاپتارى بولادى. ال بۇل جەردە "ەسٸرتكٸ ساۋداسى بولدى" دەپ ناقتى ايتۋ ٷشٸن ەكەۋارا مەمٸلە بولعانى جايلى اقپارات قاجەت. مۇنداي مەلٸمەتتەر جوق", - دەيدٸ ادۆوكات.
ادۆوكات قالالىق سوتقا بٸرنەشە ٶتٸنٸش بەرگەن, بٸراق بەلگٸسٸز سەبەپتەرمەن ول دا قاناعاتتاندىرىلماعان. ونىڭ سٶزٸنشە, سوتتىڭ العاشقى وتىرىسىندا كٸنەسٸ دەلەلدەنبەسە دە, وعان 5 جىل باس بوستاندىعىنان ايىرۋ ٷكٸمٸ كەسٸلگەن. سٶيتٸپ, اپەللياتسييالىق شاعىم بەرگەن. الايدا اپەللياتسييالىق ساتىدا دا سوت ٷكٸمٸ ٶزگەرٸسسٸز قالعان.
"جوعارى سوت ٸستٸ تولىق قاراپ, قورعاۋىمداعى ازاماتتىڭ وسى قىلمىسقا ەش قاتىسى جوق ەكەنٸن, بۇدان بٶلەك قر پروتسەسسۋالدىق قودەكسٸنٸڭ تالاپتارى بۇزىلعانىن انىقتاپ, كاسساتسييالىق شاعىمدا ٶتٸنٸشٸمدٸ قاناعاتتاندىردى. قىلمىستىق پروتسەسسۋالدىق كودەكستٸڭ 297 بابىنىڭ 1-بٶلٸمٸندە كٶزدەلگەن قىلمىس بولماعان, بۇدان بٶلەك زاڭ تالاپتارى بۇزىلعان. وسىعان وراي ٸس توقتاتىلىپ, ول جازادان بوساتىلدى", - دەيدٸ ادۆوكات.
تولىقتاي اقتالىپ شىققان ازامات جوعارى سوت قاۋلىسىمەن جازادان بوساپ, بٷگٸندە قىزمەتٸنە قايتا ورنالاسقان. جازىقسىز ايىپ ارقالاعان ول الداعى ماقساتى وتباسىلى بولىپ, جالعىز اناسىنىڭ ٷمٸتٸن اقتاۋ ەكەنٸن ايتادى.
