اتىراۋدا ۆاكتسينا سالدىرعان ون ادامنىڭ ەرقايسىسى 1 ملن تەڭگەنٸ ۇتىپ الدى, دەپ حابارلايدى قازاقپارات.
بۇدان بۇرىن اتىراۋدا ۆاكتسينا سالدىرعاندار اراسىندا جٷلدە قورى 40 ملن تەڭگەلٸك ۇتىس ويىنى باستالعان بولاتىن.
«اتىراۋ وبلىسىنىڭ ازاماتتىق اليانسى» زتب «ۆاكتسينا ال دا, اقشالاي سىيلىققا يە بول!» اقشالاي ۇتىسىنىڭ بٸرنەشە كەزەڭٸن ٶتكٸزدٸ. ال, 30 ماۋسىم مەن 30 قىركٷيەك ارالىعىندا ۆاكتسينانىڭ I نەمەسە II كومپونەنتٸن العاندار اراسىندا ەر 10 كٷن سايىن 200 مىڭ تەڭگەنٸڭ 10 اقشالاي سەرتيفيكاتىن ويناتتى. ونىڭ ٸشٸندە 30 ماۋسىم - 31 شٸلدە ارالىعىندا ۆاكتسينا سالدىرعاندار ٷشٸن تامىز ايىندا 3 ملن تەڭگەلٸك 2 سەرتيفيكات ۇتىسقا تٷستٸ. ال, قىركٷيەكتە ەرقايسىسى 3 ملن تەڭگەنٸ قۇراعان 2 سەرتيفيكات ويناتىلدى.
اكتسييانىڭ قورىتىندى كەزەڭٸندە ۆاكتسينا العاندارعا جالپى سوماسى 10 ملن تەڭگەنٸڭ اقشالاي سەرتيفيكات تابىس ەتٸلدٸ» - دەپ حابارلادى ٶڭٸرلٸك كوممۋنيكاتسييالار قىزمەتٸ.
اقشالاي ۇتىس – 1 ملن تەڭگەنٸڭ سەرتيفيكاتىن يەگەننٸڭ بٸرٸ – اشىق ماقبۇلە.
«كٷيەۋٸم كٶكتەمدە «سپۋتنيك V» ۆاكتسيناسىن سالدىرعان ەدٸك. ۇتىس ويىنىنا قاتىساتىنىمىزدى بٸلمەدٸك. جەڭٸمپاز بولعانىمىزدى ەستٸگەنٸمٸزدە, ەرينە, سەنە المادىق. وتباسىمىزدى 72 جاستاعى ەكەمٸز دە ەكپە الدى. ەندٸ بالالار اراسىندا كوروناۆيرۋس ينفەكتسيياسىنا قارسى ۆاكتسينا سالدىرۋ باستالسا, ولاردى دا ەكپە الۋ ارقىلى قورعاۋدى جوسپارلاپ وتىرمىز», - دەيدٸ اشىق ماقبۇلە.
جەڭٸمپازدار قاتارىندا كٶپبالالى انا التىن بوزجانوۆا دا بار.
«مەن ٷشٸن بۇل جٷلدە ٷلكەن توسىنسىي بولدى. بالالارىمنىڭ بولاشاعى ٷشٸن دەپوزيت اشىپ, اقشانى سوعان سالامىن. ٶزٸم وبلىستىق جٷيكە-پسيحياترييالىق ديسپانسەردٸڭ اسحاناسىندا جۇمىس ٸستەيمٸن. مەنٸڭ جۇمىسىمنىڭ ەرەكشەلٸگٸ سول, ادامدارمەن جيٸ بايلانىسۋعا تۋرا كەلەدٸ. سوندىقتان, ٶزٸمدٸ جەنە جاقىندارىمدى قورعاۋ ٷشٸن ۆاكتسينا سالدىرۋ قاجەت دەپ شەشتٸم. ۇتىس ويىنىنا قاتىسقانىمدى بٸلمەدٸم. جەڭٸمپاز بولعانىمدى ەستٸگەندە, ەزٸل رەتٸندە قابىلدادىم. اتىراۋلىقتاردى كوروناۆيرۋس ينفەكتسيياعا قارسى ۆاكتسينا الۋعا شاقىرامىن. بۇل – قالىپتى ٶمٸرگە ورالۋدىڭ جالعىز جولى» - دەيدٸ التىن بوزجانوۆا.
