Atyraýda vaktsina saldyrǵan on adamnyń árqaisysy 1 mln teńgeni utyp aldy, dep habarlaidy QazAqparat.
Budan buryn Atyraýda vaktsina saldyrǵandar arasynda júlde qory 40 mln teńgelik utys oiyny bastalǵan bolatyn.
«Atyraý oblysynyń Azamattyq aliansy» ZTB «Vaktsina al da, aqshalai syilyqqa ie bol!» aqshalai utysynyń birneshe kezeńin ótkizdi. Al, 30 maýsym men 30 qyrkúiek aralyǵynda vaktsinanyń I nemese II komponentin alǵandar arasynda ár 10 kún saiyn 200 myń teńgeniń 10 aqshalai sertifikatyn oinatty. Onyń ishinde 30 maýsym - 31 shilde aralyǵynda vaktsina saldyrǵandar úshin tamyz aiynda 3 mln teńgelik 2 sertifikat utysqa tústi. Al, qyrkúiekte árqaisysy 3 mln teńgeni quraǵan 2 sertifikat oinatyldy.
Aktsiianyń qorytyndy kezeńinde vaktsina alǵandarǵa jalpy somasy 10 mln teńgeniń aqshalai sertifikat tabys etildi» - dep habarlady óńirlik kommýnikatsiialar qyzmeti.
Aqshalai utys – 1 mln teńgeniń sertifikatyn iegenniń biri – Ashyq Maqbule.
«Kúieýim kóktemde «Spýtnik V» vaktsinasyn saldyrǵan edik. Utys oiynyna qatysatynymyzdy bilmedik. Jeńimpaz bolǵanymyzdy estigenimizde, árine, sene almadyq. Otbasymyzdy 72 jastaǵy ákemiz de ekpe aldy. Endi balalar arasynda koronavirýs infektsiiasyna qarsy vaktsina saldyrý bastalsa, olardy da ekpe alý arqyly qorǵaýdy josparlap otyrmyz», - deidi Ashyq Maqbule.
Jeńimpazdar qatarynda kópbalaly ana Altyn Bozjanova da bar.
«Men úshin bul júlde úlken tosynsyi boldy. Balalarymnyń bolashaǵy úshin depozit ashyp, aqshany soǵan salamyn. Ózim oblystyq júike-psihiatriialyq dispanserdiń ashanasynda jumys isteimin. Meniń jumysymnyń ereksheligi sol, adamdarmen jii bailanysýǵa týra keledi. Sondyqtan, ózimdi jáne jaqyndarymdy qorǵaý úshin vaktsina saldyrý qajet dep sheshtim. Utys oiynyna qatysqanymdy bilmedim. Jeńimpaz bolǵanymdy estigende, ázil retinde qabyldadym. Atyraýlyqtardy koronavirýs infektsiiaǵa qarsy vaktsina alýǵa shaqyramyn. Bul – qalypty ómirge oralýdyń jalǵyz joly» - deidi Altyn Bozjanova.
