فوتو: YouTube
اتىراۋ وبلىسىندا ويىل ٶزەنٸنٸڭ ماڭىنان 7 شارۋا قوجالىعى قاۋٸپسٸز اۋماققا شىعارىلدى, دەپ حابارلايدى قىزىلقوعا اۋدانى ەكٸمدٸگٸ.
ەكٸمدٸكتٸڭ مەلٸمەتٸنشە, مۇندا 557 شارۋا قوجالىعى بار. ونىڭ ٸشٸندە 407 شارۋاشىلىق ويىل ٶزەنٸنٸڭ بويىندا ورنالاسقان.
«شارۋا قوجالىقتارىنىڭ يەلەرٸنە ويىل ٶزەنٸندەگٸ سۋدىڭ كٶتەرٸلۋٸنەن تٶنەر قاۋٸپ تۋرالى الدىن الا ەسكەرتٸلدٸ. ٶزەندەگٸ سۋدىڭ كٷندەلٸكتٸ دەڭگەيٸ مەن تاسقىننىڭ ەكپٸنٸ ۇدايى حابارلاندى. وسىنداي ەسكەرتۋدٸڭ نەتيجەسٸندە جامبىل, جانگەلدين, ويىل, تايسويعان وكرۋگتەرٸندە تٸركەلگەن 7 شارۋا قوجالىعىنىڭ 14 ادامى مەن تٶرت تٷلٸگٸ قاۋٸپسٸز اۋماققا كٶشٸرٸلدٸ. تٶرت تٷلٸكتٸڭ ٸشٸندە 2209 قوي-ەشكٸ, 448 مٷيٸزدٸ ٸرٸ قارا, 138 جىلقى, 20 تٷيە بار», - دەپ حابارلادى اۋداندىق ەكٸمدٸكتەن.
ەسكە سالا كەتەلٸك, بۇدان بۇرىن اتىراۋ وبلىسىنداعى بٸر اۋداندا تٶتەنشە جاعداي جارييالانعانىن جازعان بولاتىنبىز.
كەيٸن ويىل ٶزەنٸندەگٸ سۋ تاسقىنىنا بايلانىستى مييالى اۋىلىنان 559 تۇرعىن ەۆاكۋاتسييالاندى.
