Foto: YouTube
Atyraý oblysynda Oiyl ózeniniń mańynan 7 sharýa qojalyǵy qaýipsiz aýmaqqa shyǵaryldy, dep habarlaidy Qyzylqoǵa aýdany ákimdigi.
Ákimdiktiń málimetinshe, munda 557 sharýa qojalyǵy bar. Onyń ishinde 407 sharýashylyq Oiyl ózeniniń boiynda ornalasqan.
«Sharýa qojalyqtarynyń ielerine Oiyl ózenindegi sýdyń kóterilýinen tóner qaýip týraly aldyn ala eskertildi. Ózendegi sýdyń kúndelikti deńgeii men tasqynnyń ekpini udaiy habarlandy. Osyndai eskertýdiń nátijesinde Jambyl, Jangeldin, Oiyl, Taisoiǵan okrýgterinde tirkelgen 7 sharýa qojalyǵynyń 14 adamy men tórt túligi qaýipsiz aýmaqqa kóshirildi. Tórt túliktiń ishinde 2209 qoi-eshki, 448 múiizdi iri qara, 138 jylqy, 20 túie bar», - dep habarlady aýdandyq ákimdikten.
Eske sala ketelik, budan buryn Atyraý oblysyndaǵy bir aýdanda tótenshe jaǵdai jariialanǵanyn jazǵan bolatynbyz.
Keiin Oiyl ózenindegi sý tasqynyna bailanysty Miialy aýylynan 559 turǵyn evakýatsiialandy.
