اتىراۋدا ناۋرىز مەرەكەسٸنە بٸر دەرەككٶزدەن 116 ملن تەڭگە بٶلٸنگەن. وسىعان بايلانىستى تيٸستٸ مەكەمە باسشىلارى تٷسٸنٸك بەردٸ, دەپ حابارلايدى قازاقپارات ٶڭٸرلٸك كوممۋنيكاتسييالار قىزمەتٸنە سٸلتەمە جاساپ.
ماحامبەت اتىنداعى اتىراۋ وبلىستىق اكادەمييالىق قازاق دراما تەاترىنىڭ ديرەكتورى بەرٸك جەمەنوۆتٸڭ ايتۋىنشا, ناۋرىز مەرەكەسٸنە بايلانىستى جارييالانعان كونكۋرس بويىنشا مەملەكەتتٸك ساتىپ الۋعا جاۋاپتى مامان قاتەلٸك جٸبەرگەن.
«10 ناۋرىز كٷنٸ تەاتر «قر مەملەكەتتٸك ساتىپ الۋ تۋرالى» زاڭىنا سەيكەس, بٸر دەرەككٶزدەن مەملەكەتتٸك ساتىپ الۋ تەسٸلٸ نەگٸزٸندە ٷش مەكەمەنٸڭ باعا ۇسىنىستارىن سۇراتتى. ەڭ تٶمەن باعا ۇسىنعان «ARSEN» جەكە كەسٸپكەرلٸگٸمەن 116 300 000 تەڭگەگە كەلٸسٸمشارت جاسادىق. اتقارىلعان جۇمىستاردىڭ قاراجاتى قابىلداۋ اكتٸسٸنە سەيكەس, ٸس-شارالار ٶتكٸزٸلگەن ناۋرىز, مامىر, ماۋسىم ايلارىندا بانكتەگٸ ەسەپشوت ارقىلى تٶلەندٸ. مەكەمەنٸڭ قارجىلىق جەنە نورماتيۆتٸك قۇقىقتىق اكتٸلەرٸنە تالداۋ جاساۋ بارىسىندا بۇل كونكۋرستىڭ اشىق پورتالدا كٶرٸنٸس تاپپاعانىن انىقتادىم. وسىعان وراي, جاۋاپتى مامانعا تەرتٸپتٸك جازا قولداندىم» -دەيدٸ بەرٸك جەمەنوۆ.
ونىڭ ايتۋىنشا, جاۋاپتى مامان كەمشٸلٸكتٸ جويۋ ماقساتىندا اتقارىلعان, قارجىسى تٶلەنگەن جۇمىستاردى اشىق پورتالعا بٸر دەرەككٶزدەن مەملەكەتتٸك ساتىپ الۋ تەسٸلٸ نەگٸزٸندە جارييالاعان. بۇل تۋرالى تەاتر ديرەكتورىنا ەسكەرتپەگەن. كەلٸسٸمشارتتا كٶرسەتٸلگەن 116 300 000 تەڭگەنٸڭ قازٸرگە دەيٸن 54 850 000 تەڭگەسٸ يگەرٸلگەن.
ال, وبلىستىق مەدەنيەت باسقارماسىنىڭ باسشىسى اقىلبەك رىسقاليەۆتىڭ دەرەگٸنە سٷيەنسەك, بۇل مەسەلەگە بايلانىستى ارنايى جۇمىس توبى قۇرىلعان.
«كەز كەلگەن مەملەكەتتٸك ورگاننىڭ ٸس-شارالار جوسپارىنا سەيكەس, جىل باسىندا وبلىستىق مەسليحاتتىڭ شەشٸمٸمەن قاجەتتٸ قاراجات قاراستىرىلىپ, بٶلٸنەدٸ. بۇدان كەيٸنگٸ پروتسەدۋرالاردىڭ زاڭ شەڭبەرٸندە ورىندالۋى, قاراجاتتىڭ تيٸمدٸ جۇمسالۋى ەربٸر مەكەمەنٸڭ جەكە جاۋاپكەرشٸلٸگٸندە, ياعني كەلٸسٸمشارت شەڭبەرٸندەگٸ قاراجاتتى ماقساتىنا قاراي يگەرۋ ماحامبەت اتىنداعى وبلىستىق اكادەمييالىق قازاق دراما تەاترىنىڭ قۇزٸرەتٸنە جاتادى. اتالعان مەسەلەنٸڭ مەن-جايىن انىقتاۋ ٷشٸن ارنايى جۇمىس توبى قۇرىلدى. قازٸر زەردەلەۋ جۇمىستارى جٷرگٸزٸلۋدە» -دەدٸ اقىلبەك رىسقاليەۆ.
