اتىراۋدا كٶپٸردەن سەكٸرگەن جٷكتٸ ەيەلدٸڭ 4 قابىرعاسى سىنعان. اۋرۋحاناعا تٷسكەن ناۋقاسقا دەرٸگەرلەر مەن پسيحولوگ كٶمەك كٶرسەتٸپ جاتىر, دەپ حابارلايدى قازاقپارات.
وبلىستىق پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, بٷگٸن, 7 جەلتوقسان ساعات 9:20 شاماسىندا جەدەل باسقارۋ ورتالىعىنىڭ ينسپەكتورى بەينەباقىلاۋ كامەرالارى ارقىلى اتىراۋ قالاسىنداعى «تۇرعىن ٷي قالاشىعى – اۆانگارد» شاعىناۋداندارىن جالعايتىن جاياۋ جٷرگٸنشٸلەر كٶپٸرٸندە كٷدٸك تۋدىرعان ەيەلدٸ كٶرگەن.
«ينسپەكتورلار بۇل تۋرالى جاقىن ماڭداعى پاترۋل پوليتسييا قىزمەتكەرلەرٸنە حابار بەرگەن. پاترۋلدٸك پوليتسييا باتالونىنىڭ روتا كومانديرٸ, پوليتسييا كاپيتانى الماس زاكاريەۆ جاياۋ جٷرگٸنشٸلەر كٶپٸرٸنە بارىپ, سەكٸرمەك بولعان ازاماتشانى رايىنان قايتارعىسى كەلگەن. بٸراق, جٷكتٸ ەيەل پوليتسييا قىزمەتكەرٸمەن ەڭگٸمەلەسپەي, سەكٸرٸپ كەتكەن. الايدا, وقيعا ورنىنا دەر كەزٸندە قايىقپەن جەتكەن پوليتسييا دەپارتامەنتٸنٸڭ قىزمەتكەرلەرٸ, پوليتسييا لەيتەنانتى جانداربەك جاڭبىرباەۆ پەن پوليتسييا سەرجانتى ايبات جاۋباەۆ كٶپٸردەن سەكٸرگەن ەيەلدٸ قۇتقارىپ قالدى», -دەپ مەلٸم ەتتٸ دەپارتامەنتتٸڭ باسپاسٶز قىزمەتٸ.
وبلىستىق دەنساۋلىق ساقتاۋ باسقارماسىنىڭ باسپاسٶز قىزمەتٸنەن مەلٸم ەتكەندەي, كٶپٸردەن سەكٸرگەن ەيەلدٸڭ جاسى – 29-دا.
«جەدەل جەردەم بريگاداسىنىڭ كٶلٸگٸمەن وبلىستىق اۋرۋحاناعا جەتكٸزٸلگەن ەيەلدٸڭ جٷكتٸلٸگٸ انىقتالدى. جٷكتٸلٸك مەرزٸمٸ – 4 اپتا. ونىڭ ورال قالاسىندا تۇراتىنى بەلگٸلٸ بولدى. قازٸر دەرٸگەرلەر نەيروحيرۋرگييا بٶلٸمٸنە تٷسكەن جٷكتٸ ەيەلدٸڭ جاعدايىن «ورتاشا» دەپ باعالاپ وتىر. ناۋقاستىڭ 4 قابىرعاسى سىنعان. وعان مەديتسينالىق كٶمەكتٸڭ بارلىق تٷرٸ كٶرسەتٸلٸپ, ەمدەۋ شارالارى جاسالىپ جاتىر. دەنساۋلىعى قالپىنا كەلٸپ, ساۋىعىپ شىققانعا دەيٸن دەرٸگەرلەر مەن پسيحولوگتىڭ باقىلاۋىندا بولادى», -دەپ حابارلادى باسقارمانىڭ باسپاسٶز قىزمەتٸ.
