فوتو: azattyq-ruhy.kz
اتىراۋدا قاباعان يت تالاعان 8 جاسار بالاعا بٷگٸن تاعى بٸر وتا جاسالادى. قازٸر ناۋقاس وبلىستىق بالالار اۋرۋحاناسىنىڭ جانساقتاۋ بٶلٸمٸندە جاتىر, دەپ حابارلايدى قازاقپارات.
اتىراۋ وبلىستىق بالالار اۋرۋحاناسى تراۆماتولوگييا بٶلٸمٸنٸڭ مەڭگەرۋشٸسٸ سەرگەي حۆاننىڭ ايتۋىنشا, كەشە, 15 اقپاندا ەمدەۋ ورنىنا يت تالاعان 2 بالا تٷسكەن.
ونىڭ بٸرٸنە قۇتىرۋعا قارسى ۆاكتسينا ەگٸلٸپ, العاشقى مەديتسينالىق كٶمەك كٶرسەتٸلگەن. كەيٸن ٷيٸنە جٸبەرٸلگەن.
«ال, 8 جاسار بالا باسى مەن اياعىندا جاراقاتى بار. قازٸر ول جانساقتاۋ بٶلٸمٸندە اۋىر جاعدايدا جاتىر. دەرٸگەرلەر ناۋقاستىڭ جاراقاتىنا حيرۋرگييالىق تازالاۋ ەم-دومىن جٷرگٸزدٸ. كەيٸن ناۋقاس جانساقتاۋ بٶلٸمٸنە جاتقىزىلدى. ناۋقاسقا انتيرابييالىق ۆاكتسينالار سالىنىپ, انتيبيوتيكالىق تەراپييا باستالدى. بٷگٸن ناۋقاس بالاعا تاعى بٸر وتا جاساۋ جوسپارلانىپ وتىر. الداعى ۋاقىتتا ناۋقاسقا بٸرنەشە رەت حيرۋرگييالىق ەم-دوم جٷرگٸزۋ قاجەتتٸگٸ تۋىندايدى», - دەپ حابارلادى سەرگەي حۆان.
ونىڭ مەلٸمەتٸنە سٷيەنسەك, بىلتىر كٶشەدە جٷرگەن بۇرالقى يتتەن 462 بالا زارداپ شەككەن.
ال, بيىلعى جىلدىڭ باسىنان بەرٸ اۋرۋحانانىڭ دەرٸگەرلەرٸنە يت قاپقان 32 بالا جٷگٸنگەن. زارداپ شەككەن بالالار ەر تٷرلٸ دەنە جاراقاتىن العان.
«قىس مەزگٸلٸندە كٶشە جٷرگەندە ٶتە ساق بولۋ كەرەك. ٶيتكەنٸ, قازٸر كٶشەدەن ازىق تاپپاي جٷرگەن يت كٶپ. بۇرالقى يتتەر اش بولعان سوڭ ادامدارعا شابۋىل جاسايدى. ەسٸرەسە, جاس بالالاردى تالاپ, ولاردىڭ ٶمٸرٸنە قاۋٸپ تۋدىرىپ وتىر», -دەيدٸ دەرٸگەر سەرگەي حۆان.
