اتىراۋدا ەكٸنشٸ دٷنيەجٷزٸلٸك سوعىستىڭ سوڭعى مايدانگەرٸ ٶمٸردەن ٶتتٸ, دەپ حابارلايدى "ۇلت اقپارات".
ەكٸنشٸ دٷنيەجٷزٸلٸك سوعىستىڭ ارداگەرٸ زاكارييا سۇلتانوۆ 1926 جىلى تۋعان. 1943 جىلى سوعىسقا اتتانىپ, بەلورۋسسييا مايدانىندا 143-پولك قۇرامىندا جاۋعا قارسى شايقاسقا قاتىسقان. سوعىستاعى ەرلٸگٸ ٷشٸن ٸٸ دەرەجەلٸ «داڭق» وردەنٸمەن ماراپاتتالعان. ەلگە 1946 جىلى ورالعان.
«قان مايداننان امان ورالىپ, ارامىزدا ادامدىقتىڭ اسقاق ٷلگٸسٸن كٶرسەتٸپ جٷرگەن سوعىس ارداگەرلەرٸنٸڭ سوڭعىسى ەدٸ. ٶتكەن عاسىرداعى زۇلمات-سوعىستان جەڭٸمپاز بولىپ شىققان زاكارييا سۇلتانوۆ اعامىز بٸز ٷشٸن ەرلٸكتٸڭ, قايسارلىق پەن وتانسٷيگٸشتٸكتٸڭ ٷلگٸسٸ بولىپ كەلدٸ.
مايداندا العان جاراقاتىنا قاراماستان بەيبٸت كەزەڭدە ەڭبەكتەن قول ٷزبەي, ەسكەري كوميسسارياتتا, ٸشكٸ ٸستەر ينسپەكتسيياسىندا ابىرويلى قىزمەت ەتتٸ. ٶمٸرٸنٸڭ سوڭىنا دەيٸن تەۋەلسٸز ەلٸنٸڭ گٷلدەنٸپ, مەڭگٸلٸك ەل بولۋىن تٸلەپ وتىرۋشى ەدٸ.
وسىدان ٷش اي بۇرىن اقساقالدى جەڭٸس مەرەكەسٸمەن ارنايى بارىپ قۇتتىقتادىم. تىڭ بولاتىن. اق باتاسىن بەرٸپ, ەلدٸڭ اماندىعىن تٸلەپ, ٶتكەن ٶمٸرٸ مەن عيبراتتى ەڭگٸمەسٸن ايتتى. عاسىرعا جۋىق ٶمٸر سٷرسە دە, رۋحى اسقاق اسىل ازاماتتىڭ ادامي قاسيەتٸنە تەنتٸ بولدىم. سوڭعى جەڭٸس مەرەكەسٸ دەپ كٸم ويلاعان...» - دەپ جازدى ەلەۋمەتتٸك جەلٸدەگٸ پاراقشاسىندا وبلىس ەكٸمٸ ماحامبەت دوسمۇحامبەتوۆ.
