اتىراۋدا ەكٸ تۇرعىننىڭ كٶلٸگٸنەن 364 كيٸك مٷيٸزٸ تەركٸلەندٸ, دەپ حابارلايدى وبلىستىق پوليتسييا دەپارتامەنتٸ باسپاسٶز قىزمەتٸ.
كريمينالدىق پوليتسييا باسقارماسى مەن بالىق قورىنا قىلمىستىق قول سۇعۋشىلىقپەن كٷرەس بٶلٸمٸنٸڭ قىزمەتكەرلەرٸ جەدەل-ٸزدەستٸرۋ ٸس-شاراسىن جٷرگٸزگەن.
«ٸس-شارا كەزٸندە اتىراۋ قالاسىنا تاياۋ ورنالاسقان «گەولوگ» ىقشاماۋدانىنداعى كٶپقاباتتى ٷيلەردٸڭ بٸرٸنٸڭ اۋلاسىندا تۇرعىن ەكٸ كٶلٸكتٸڭ ٸشٸنەن 364 دانا كيٸك مٷيٸزٸ تەركٸلەندٸ. «ۆاز-21014» اۆتوكٶلٸكتٸڭ بٸرٸنەن 200 دانا كيٸك مٷيٸزٸ مەن قۇقىق قورعاۋ ورگانىندا تٸركەلمەگەن قوس ۇڭعىلى «توز-16» ماركالى اڭشى مىلتىعى تابىلدى. ال, ەكٸنشٸ كٶلٸكتە 164 دانا كيٸك مٷيٸزٸ مەن رۇقسات قۇجاتتارى جوق 4,5 كاليبرلٸ «بايكال مر-512» ماركالى قارۋ بارى انىقتالدى» -دەپ حابارلادى دەپارتامەنتتٸڭ باسپاسٶز قىزمەتٸنەن.
قازٸر كٷدٸكتٸلەر – يساتاي اۋدانى مەن اتىراۋ قالاسىنىڭ 23 جاستاعى ەكٸ تۇرعىنىنا قاتىستى قر قىلمىستىق كودەكستٸڭ 339-بابى, 1-بٶلٸگٸمەن سوتقا دەيٸنگٸ تەرگەپ-تەكسەرۋ امالدارى جٷرگٸزٸلٸپ جاتىر.
