اتىراۋدا ٶكپەسٸ 96 پايىز قابىنىپ, بٸر اي بويى ٶكپەنٸ جاساندى جەلدەتۋ اپپاراتىنا قوسىلعان ەيەل ەمدەلٸپ شىقتى, دەپ حابارلايدى "ۇلت اقپارات".
وبلىستىق دەنساۋلىق ساقتاۋ باسقارماسى باسپاسٶز قىزمەتٸنەن مەلٸم ەتكەندەي, 59 جاستاعى التىن تٶلەگەنوۆا ماۋسىم ايىنىڭ باسىندا يندەر اۋداندىق اۋرۋحاناسىنا تٷسكەن.
جاعدايى ناشارلاعان سوڭ اتىراۋ قالاسىنداعى مودۋلدٸك اۋرۋحانانىڭ جانساقتاۋ بٶلٸمٸنە اۋىستىرىلعان.
«جانساقتاۋ بٶلٸمٸندە كەلگەندە ەكٸ جاقتى پنەۆمونييا, ٶكپەنٸڭ 96% قابىنۋى دەگەن دياگنوز قويىلدى. بٸر اي بويى ٶكپەنٸ جاساندى جەلدەتۋ اپپاراتىنا قوسۋلى جاتتىم.
دەرٸگەرلەردٸڭ كٷش-جٸگەرٸنٸڭ نەتيجەسٸندە قاۋٸپتٸ ۆيرۋستان امان قالدىم. مەنٸ بەيٸندٸ بٶلٸمشەنٸڭ پالاتاسىنا اۋىستىردى, وندا ەمدەۋدٸ جالعاستىردىم», - دەيدٸ التىن تٶلەگەنوۆا.
بٷگٸن, 10 تامىزدا التىن تٶلەگەنوۆا مودۋلدٸك اۋرۋحانانىڭ ينفەكتسييالىق ستاتسيونارىنان شىعارىلدى. قازٸر ونىڭ ٶكپەسٸ 12% زاقىمدانعان. ەندٸ ٷش اي بويى تۇرعىلىقتى مەكەنجايى بويىنشا دەرٸگەرلەردٸڭ باقىلاۋىندا بولادى. سونداي-اق, ارنايى وڭالتۋدان ٶتەدٸ.
«مەن 10 كٷن بويى وتتەگٸ كونتسەنتراتورىنىڭ كٶمەگٸمەن دەم الامىن. سودان كەيٸن دەرٸگەرلەردٸڭ باقىلاۋىمەن ٶكپەنٸڭ جۇمىسىن قالپىنا كەلتٸرەمٸن. وسى ورايدا ەمدەلۋ كەزٸندە دەرٸگەرلەرگە كٶرسەتكەن قامقورلىعى مەن جىلى سٶزدەرٸ ٷشٸن العىسىمدى بٸلدٸرگٸم كەلەدٸ. ال, تۇرعىنداردان تۋعان-تۋىستارىڭىز بەن جاقىندارىڭىزدىڭ قاۋٸپسٸزدٸگٸ ٷشٸن
بەتپەردە كيٸپ, ادامدار كٶپ جينالاتىن ورىندارعا بارماۋدى سۇرايمىن», - دەيدٸ التىن تٶلەگەنوۆا.
